Տաշիր-Մեծավան ավտոճանապարհին նոյեմբերի 6–ին տեղի ունեցած ողբերգական վթարից զոհված երկու երիտասարդներից մեկը պարտադիր ժամկետային զինծառայող էր։
NEWS.am-ի տեղեկություններով` 18–ամյա Խաչիկ Պողոսյանը մեկ տարվա զինծառայող էր, ծառայում էր Լեռնային Ղարաբաղի զորամասերից մեկում, գյուղ տուն էր եկել արձակուրդի, այսօր պետք է վերադառնար ծառայության:
Վթարի հետեւանքով վիրավորված, 1998թ. ծնված Ռոբերտ Ղանդիլյանը, որը տեղափոխվել է Երեւան, շարունակում է մնալ ծայրահեղ ծանր վիճակում, Տաշիրի բժշկական կենտրոն տեղափոխված, 1995թ. ծնված Սարիբեկ Կիրակոսյանի վիճակը գնահատվում է միջին ծանրության:
Ավելի վաղ NEWS.am-ը հայտնել էր, որ նոյեմբերի 6-ին, Տաշիր-Մեծավան ավտոճանապարհին, Toyota Prado մակնիշի 59 NP 999 համարանիշի ավտոմեքենայի վարորդը, կորցնելով կառավարումը, դուրս է եկել ճանապարհի երթեւեկելի գոտուց եւ ընկել ջրատարը, բախվելով էլեկտրասյուներին:
Վթարի հետեւանքով 2 մարդ տեղում մահացել են, եւս 2 անձի մարմնական բազմաթիվ վնասվածքներով տեղափոխել են հիվանդանոց։
Վթարի հետեւանքով զոհվել են Մեծավան գյուղի բնակիչներ, 1998թ. ծնված Գ.Մ.-ն եւ 1997թ. ծնված Խ.Պ.-ն, վիրավորվել 1995թ. ծնված Սարիբեկ Կիրակոսյանը եւ 1998թ. ծնված Ռոբերտ Ղանդիլյանը տեղափոխվել են հիվանդանոց։
Լուսանկարները՝ շուտով