Մոսկվան եւ Թեհրանը С-300 ՀՕՊ համակարգերի մատակարարման շուրջ պայմանագիր են ստորագրել։ Այս մասին Դուբայի ավիաշոուհի ժամանակ հայտնել է «Ռոստեխ»-ի ղեկավար Սերգեյ Չեմեզովը, փոխանցում է «ՌԻԱ Նովոստի» -ն։

«Խոսքը С-300 ՀՕՊ համակարգերի մասին է, պայմանագիրն արդեն կնքվել է»,- ասել է նա։ Առաջին մասը կատարելուց հետո Իրանը հետ կկանչի Ռուսաստանին ներկայացրած հավակնությունները, որոնք կապված էին միջազգային պատժամիջոցների պատճառով այդ պայմանագիրը չկատարելու հետ։