Փարիզում ԻՊ-ի կազմակերպած ահաբեկչությունները ոտնձգություն են ողջ Եվրոպայի դեմ։ Այս մասին նոյեմբերի 16-ին կայացած մամուլի ասուլիսի ժամանակ ասել է ԱԺ ՀՀԿ խմբակցության պատգամավոր, պետաիրավական հարցերի խորհրդարանական հանձնաժողովի նախագահ Հովհաննես Սահակյանը։
Նրա խոսքով՝ նման արարքը պետք է անխոս դատապարտել։ «Դա մարտահրավեր էր ողջ քաղաքակիրթ մարդկությանը։ Եվրոպայի միգրացիոն քաղաքականությունը պետք է վերանայվի։ Այն, ինչ տեղի ունեցավ ԻՊ-ի ձեռքերով, դատապարտելի է։ Գերտերությունները պետք է անպայման միավորվեն նման բանի կրկնությունը թույլ չտալու համար»,- ասել է Սահակյանը՝ հավելելով, որ մարդը մարդ է մնում, որտեղ էլ որ ապրի՝ Սիրիայում, թե Ֆրանսիայում։
Հիշեցնենք, որ նոյեմբերի 13-ի երեկոյան Փարիզի միանգամից 6 շրջանում պայթյուններ էին որոտացել, որոնք խլել էին 132 մարդու կյանք։