News
Լրահոս
News
Երկուշաբթի
Հունվար 18
USD
522.53
EUR
634.35
RUB
7.13
ME-USD
0.01
Տեսնել լրահոսը

2015 թվականի դեկտեմբերի 2-ին Արագոնի խորհրդարանը ընդունեց հռչակագիր, որը ճանաչում եւ դատապարտում է Հայոց ցեղասպանությունը՝ «Հայաստանի եվրոպացի բարեկամներ» (ՀԵԲ կայք՝ www.EuFoA.am) կազմակերպության կողմից եւ մի շարք օրենսդիրների մասնակցությամբ դեպի Հայաստան եւ Լեռնային Ղարաբաղ կազմակերպած ճանաչողական բազմաթիվ այցերի արդյունքում:

Պատգամավոր Գրեգորի Բրիզ Սանչեսի մշակած տեքստը հիշատակի տուրք է մատուցում ավելի քան 1,5 մլն հայերին, որոնք սպանվել են Օսմանյան կայսրության ծավալած գործողությունների հետեւանքով: Պատգամավորը կոչ է անում թուրքական կառույցներին, ներառյալ թուրքական կառավարությանը՝ ընդունել այս պատմական իրողությունը:

Հաշվի առնելով, որ 2015 թվականին լրանում է Հայոց ցեղասպանության հարյուրամյա տարելիցը, միջազգային մի շարք կազմակերպություններ, ներառյալ Եվրոպական խորհրդարանը եւ քաղաքական մարմիններ հանդես են եկել Ցեղասպանության հարյուրամյակի հիշատակման միջնորդություններով: Հռոմի Պապ Ֆրանցիսկո առաջինը նույնպես ճանաչել է Հայոց ցեղասպանությունը 2015թ. ապրիլին ընդունած հռչակագրով: Այս բոլոր իրողությունները ամփոփված են Արագոնի խորհրդարանի ընդունած փաստաթղթում:

Ի հավելումն ասվածի, բանաձեւը հարգանքի տուրք է մատուցում Հայոց ցեղասպանության զոհերի հիշատակին՝ ի նշան համերաշխության եւ եվրոպական արդարության: Այն ընդգծում է, որ Եվրոպական Միությունը ցեղասպանության կանխարգելումը եւ մարդկության դեմ  հանցագործությունների դատապարտումը պետք է ընդունի որպես բարձրագույն առաջնահերթություն:

Բանաձեւը կոչ է անում Թուրքիայի կառավարությանը՝ օգտագործել Հայոց ցեղասպանության հարյուրամյա տարելիցը որպես ճանաչման հնարավորություն, բաց անել թուրքական արխիվները եւ ընտրել հաշտեցման ուղին թուրք եւ հայ ժողովուրդների միջեւ: Այն նաեւ ընդգծում է, որ թուրք մտավորականների, քաղաքական գործիչների եւ քաղաքացիական հասարակության ներկայացուցիչների մի ստվար զանգված ընդունել է Հայոց ցեղասպանությունը, ինչի հիման վրա հորդորում է նաեւ թուրքական կառույցներին վարվել նույնկերպ:

«Բավականին հուսադրող է տեսնել, որ այս տարի ոչ միայն եվրոպական երկրները, այլ նաեւ ԵՄ անդամ երկրները եւ ռեգիոնալ խորհրդարանները ընդունել են Հայոց ցեղասպանությունը ճանաչող բանաձեւեր»,- մեկնաբանում է «Հայաստանի եվրոպացի բարեկամներ»  կազմակերպության ղեկավար Էդուարդո Լորենցո Օչոան: «Ես կարծում եմ, որ սա կարելի է ընդունել որպես Թուրքիային ուղղված ուղերձ, եւ որ Եվրոպան սպասում է, որ Թուրքիան ճանաչի սեփական պատմությունը: Այսօր հստակ ազդանշան է ուղղվում նաեւ հայերին: Արագոնցիները կանգնած են հայերի կողքին՝ ճանաչելով 21-րդ դարի առաջին ցեղասպանությունը» ,- հավելում է պարոն Օչոան:

Բանաձեւը կոչ է անում Իսպանիային՝ օգնել, որ Թուրքիան պահի իր խոստումը՝ պաշտպանել եւ պահպանել հայկական մշակութային ժառանգությունն իր տարածքում եւ առավել ակտիվ դերակատարություն ցուցաբերել Հայաստանի եւ Թուրքիայի միջեւ հաշտությանը նպաստելու գործում: Եվրոպական պատմությունը ազգերի միջեւ հաշտության բազմաթիվ օրինակներ ունի, որոնք կարող են ծառայել որպես ուղենիշ:

Արագոնը ինքնավար համայնք է Իսպանիայի հյուսիս-արեւելյան մասում, որը սահմանակից է Ֆրանսիային: Ունի 1,2 մլն բնակչություն եւ 47, 719 ք/կմ տարածք (փոքր-ինչ ավելի մեծ է, քան Էստոնիան): Այն Իսպանիայի հինգերորդ համայնքն է, որը ճանաչել է Հայող ցեղասպանությունը՝ Բասկերի երկրից, Կատալոնիայից, Բալեարյան կզղիներից եւ Նավարեից հետո:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Վահրամ Դումանյանը մասնակցել է «Հայոց ցեղասպանության թանգարան-ինստիտուտի առաջին քառորդ դարը» ցուցադրության բացմանը
Ցուցադրությունը երկլեզու է (հայերեն, անգլերեն) և ներառում է տասնհինգ ենթախորագիր...
Իսպանիայի 36-րդ քաղաքը ճանաչել է Հայոց ցեղասպանությունը
Նաև հիշեցնենք, որ ընդհանուր առմամբ, Ցեղասպանությունը ճանաչած 36 քաղաքներից 11-ը շրջկենտրոններ են, որոնցից են...
Հայոց ցեղասպանությունը ճանաչելու Բայդենի խոստումը ԱՄՆ-ի եւ Թուրքիայի առաջնորդների հարաբերությունների հարցերից մեկն է
Առավել սերտ կապերը Վաշինգտոնի եւ Սիրիայի քրդերի միջեւ, Բայդենի կողմից Հյուսիսային Կիպրոսի թուրքական օկուպացիան չճանաչելը եւ հույն-ամերիկյան համայնքի սատարումը, Բայդենի խոստումը ճանաչել 2015 թվականի Հայոց ցեղասպանությունը...
Բարոնուհի Քերոլայն Քոքսը հարգանքի տուրք է մատուցել Հայոց ցեղասպանության զոհերի հիշատակին
Մեծ Բրիտանիայի և Հյուսիսային Իռլանդիայի Միացյալ Թագավորության...
Բայդենը նորից է խոստացել ճանաչել Ցեղասպանությունը, բայց դրան թերահավատորեն է վերաբերվում համայնքը. Սուրեն Սարգսյան
Կանխատեսումներ անելը բարդ է, երկու թեկնածուներն էլ թվերով շատ մոտ են, շատ լարված պայքար է սպասվում...
Հռոմի Պապը Հայոց ցեղասպանության ժամանակ սպանված երկու քահանաներին նահատակ է ճանաչել
Նրանց գազանաբար սպանել են, իսկ մարմինները կտոր-կտոր արել եւ նետել փոսերն ու քարանձավները...
Ֆոտոռեպորտաժներ