Հայաստանի Հանրապետության եւ Լյուքսեմբուրգի Մեծ Դքսության միջեւ ստորագրվել է Օդային հաղորդակցությունների մասին միջկառավարական համաձայնագիր:
ՀՀ էկոնոմիկայի նախարարության մամուլի ծառայությունից հայտնում են, թե համաձայնագրով երկու պետությունների ավիաընկերություններին հնարավորություն է ընձեռնվում շահագործել երթուղիներ քաղաքացիական փոխադրումների համար՝օդի 5-րդ ազատության, իսկ բեռնային փոխադրումների համար` օդի 7-րդ ազատության իրավունքով (Air Services Agreement)։
Համաձայնագիրը ստորագրել են ՀՀ էկոնոմիկայի նախարար Կարեն Ճշմարիտյանը եւ Լյուքսեմբուրգի Մեծ Դքսության Ենթակառուցվածքների եւ կայուն զարգացման նախարար Ֆրանսուա Բոշը:
ՀՀ էկոնոմիկայի նախարար Կարեն Ճշմարիտյանի` Լյուքսեմբուրգ կատարված այցի շրջանակներում դեկտեմբերի 8-ին տեղի է ունեցել հանդիպում Լյուքսեմբուրգի Մեծ Դքսության Ենթակառուցվածքների եւ կայուն զարգացման նախարար Ֆրանսուա Բոշի միջեւ:
Հանդիպմանը եվրոպական կողմից մասնակցելեն Լյուքսեմբուրգի Մեծ Դքսության կառավարության գլխավոր խորհրդականներ Թոմ Վեիսգերբերը եւ ֆելիչի Վեիսկերը, իսկ հայկական կողմից` Եվրամիությունում ՀՀ առեւտրական ներկայացուցիչ Վարոս Սիմոնյանը եւ ՀՀ Էկոնոմիկայի նախարարության աշխատակազմի քաղաքացիական ավիացիայի քաղաքականության եւ տնտեսական կարգավորման վարչության պետ Աննա Չոբանյանը։
Հանդիպման ընթացքում քննարկվել են ավիացիայի ոլորտում համագործակցության երկուստեք կարեւորության հարցեր։
Ֆրանսուա Բոշը նշել է, որ լյուքսեմբուրգյան Կարգոլյուքսավիա ընկերությունը շատ հետաքրքրված է հայկական շուկայով եւ շնորհակալություն է հայտնել Կարեն Ճշմարիտյանին երկկողմ համագործակցության դաշտում կարգո փոխադրումների համար օդի ազատության 7 աստիճան տրամադրելու հարցում։ Վերջինս նշել է, որ Կարգոլյուքս ընկերությունը պատրաստվում է ներկայացնել համագործակցության ծրագիր։ Երկուստեք պայմանավորվածություն է ձեռք բերվել կազմակերպել Կարգոլյուքս ընկերության ներկայացուցիչների այցը Հայաստան, որի ընթացքում, համապատասխան հանդիպումների եւ քննար կումների միջոցով, կքննարկվի համագործակցության ծրագիրը։
Հանդիպման ընթացքում ստորագրվել է Հայաստանի Հանրապետության եւ Լյուքսեմբուրգի Մեծ Դքսության միջեւ Օդային հաղորդակցությունների մասին միջկառավարական համաձայնագիր, որով երկու պետությունների ավիաընկրություններին հնարավորություն է ընձեռնվում շահագործել երթուղիները քաղաքացիական փոխադրումների համար՝օդի 5-րդ ազատության, իսկ բեռնային փոխադրումների համար՝օդի 7-րդ ազատության իրավունքով։
