Բելգիայի «Հումանիստական ժողովրդավարական կենտրոն» կուսակցության  թուրք անդամ Մահինուր Օզդեմիրին վերջնականապես հեռացրել են կուսակցությունից։

Ինչպես տեղեկացնում է Ստամբուլի հայկական «Ակոս»-ը, «Հումանիստական ժողովրդավարական կենտրոն» կուսակցության էթիկայի հանձնաժողովը որոշում է կայացրել՝ Հայոց ցեղասպանությունը ճանաչելուց հրաժարվող Մահինուր Օզդեմիրին հեռացնել կուսակցությունից։

Նշենք, որ Մահինուր Օզդեմիրը հրաժարվել էր ստորագրել իր կուսակցության կողմից պատրաստած բանաձեւը 1915-ը որպես ցեղասպանություն ճանաչելու հետ կապված։

Մահինուր Օզդեմիրը նաեւ բոյկոտել էր ապրիլի 24-ին Բելգիայի խորհրդարանում Հայոց ցեղասպանության զոհերի հիշատակին մեկ րոպե լռությամբ հարգելու նախաձեռնությունը։