News
Լրահոս
News
Շաբաթ
Օգոստոս 15
USD
484.83
EUR
571.91
RUB
6.61
ME-USD
0.01
Տեսնել լրահոսը

Երեւանի Բաղրամյան պողոտայում հունիսի 23-ին տուժած լրագրողների գործով որեւէ մեկն օրենքով նախատեսված կարգով պատասխանատվության չի ենթարկվել, թեեւ դեպքից անցել է արդեն վեց ամիս: Այս մասին այսօր` դեկտեմբերի 23-ին, լրագրողների հետ հանդիպմանն ասաց Խոսքի ազատության պաշտպանության կոմիտեի նախագահ Աշոտ Մելիքյանը:

«Այս ծավալուն գործն ի սկզբանե վարում է միայն մեկ քննիչ, ըստ իս, սա ցինիկ մոտեցում է: Միայն Կոմիտեի` գլխավոր դատախազին իր մտահոգությունները հայտնելուց հետո ձեւավորվեց քննչական խումբ: Այնուհետեւ արդեն լրագրողների, փաստաբանների զրույցների ընթացքում պարզ դարձավ, որ ոչ բոլոր քննիչներն են պրոֆեսիոնալ եւ կասկածներ են առաջանում` ինչքանով այդ անձինք ի զորու որոշում կայացնելու»,- ասաց Աշոտ Մելիքյանը:

Նրա խոսքով` այս պահի դրությամբ կա 31 տուժող, մինչդեռ որեւէ կասկածյալ կամ մեղադրյալ չկա: Նշենք, որ Կոմիտեի տվյալներով` հունիսյան հայտնի դեպքերի ժամանակ տուժել է 24 լրագրող, ֆոտոլրագրող եւ օպերատոր:

«Կան լրագրողներ, որոնք առ այսօր հարցաքննության չեն հրավիրվել: Խոսքը չորս անձի մասին է: Ըստ քննիչների պատասխանի` այդ անձանց հրավիրել են հարցաքննության, սակայն չեն ներկայացել: Մենք պարզեցինք, որ նրանցից երկուսը փոխել են իրենց դիրքորոշումը, իսկ օպերատորներ Հովսեփ Հովսեփյանն ու Գոռ Հովհաննիսյանը մեզ ասել են, որ իրենց չեն ծանուցել»,- ասաց Կոմիտեի նախագահը:

Իրավաբան Արա Ղազարյանն էլ հայտնեց, որ իրենք հետեւողական են լինելու բոլոր դեպքերով:

«Վերջին վեց տարվա ընթացքում ընդամենը մասնագիտական գործունեության խոչընդոտման մեկ դեպքն է ընդամենը դատարան մտել: Մինչդեռ լրագրողների նկատմամբ բռնությունները շատ են եղել: Այդ մեկ գործն էլ Ազգային ժողովի մոտ «Ա1+»-ի լրագրող Մարինե Խաչատրյանի մասնագիտական գործունեությունը խոչընդոտելու վերաբերյալ է»,- ասաց Արա Ղազարյանը:

Հիշեցնենք, որ 2015թ. հունիսի 23-ին վաղ առավոտյան ոստիկանները ցրել էին էլեկտրաէներգիայի թանկացման դեմ պայքարող ցուցարարներին: Այդ օրը ֆիզիկական բռնության էին ենթարկվել նաեւ ԶԼՄ ներկայացուցիչներ, մի քանիսից խլել էին նկարահանող սարքերը, կոտրել կամ հիշողության քարտերը ապօրինի առգրավել, ինչպես նաեւ շատերը բերման էին ենթարկվել ոստիկանության բաժին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Վատ որոշում է, եղել է թերի քննություն». դատարանը մերժել է «Սարի թաղի»-ի գործը կասեցնելու դեմ լրագրողների բողոքը
Երկու լրագրողների գործն ուղարկվել է ՄԱԿ-ի մարդու իրավունքների կոմիտե, մեկինը ՝ Եվրոպական դատարան...
Այսօր լրանում է «Էլեկտրիկ Երևան» շարժումը ուժով ճնշելու երկրորդ տարին. ՀԿ-ները անաչառ վերաբերմունք են պահանջում
Եթե 2015 թվականի հունիսի 23-ի դեպքերը պատշաճ քննվեին եւ բոլոր մեղավորները պատասխանատվության ենթարկվեին, լրագրողների նկատմամբ ոստիկանների դաժան վերաբերմունքը մեկ տարի անց հնարավոր է՝ չկրկնվեր...
«Էլեկտրիկ Երեւանի» մասնակիցը քրգործը կարճելու մասին որոշման դեմ վերաքննիչ բողոք է ներկայացրել
2015 թ. հուլիսի 6-ին բողոքի վայրից բռնությամբ բերման ենթարկվելու եւ դրա հետեւանքով վնասվածքներ ստանալու վերաբերյալ...
«Էլեկտրիկ Երեւան»-ի գործ. դատավորը նախկին քննիչ Արշակ Վարդանյանն է լինելու
Այս գործով ամբաստանյալի կարգավիճակում ոստիկանության 4 աշխատակից կա…
«Էլեկտրիկ Երեւանի» դեպքերով մեղադրանք է առաջադրվել եւս երկու ոստիկանների
Մեղադրանք է առաջադրվել ոստիկանության եւս երկու ծառայողների՝ լրագրողների մասնագիտական օրինական գործունեությանը խոչընդոտելու համար...
Մեղադրանք է առաջադրվել երկու ոստիկանների՝ լրագրողների աշխատանքը խոչընդոտելու համար
Լրագրողների մասնագիտական օրինական գործունեությանը խոչընդոտելու, խոշոր չափերի գույքային վնաս պատճառելու համար...