News
Լրահոս
News
Երեքշաբթի
Նոյեմբեր 20
Տեսնել լրահոսը

Իրաքում եւ Սիրիայում ասորիների նկատմամբ տեղի է ունենում ցեղասպանություն: Այս մասին այսօր` հունվարի 18-ին, լրագրողների հետ զրույցում ասաց  ՀՀ ԳԱԱ պատմության ինստիտուտի ավագ գիտաշխատող Անահիտ Խոսրոեւան: Նրա խոսքով, 2015թ. Իրաքում եւ Սիրիայում «Իսլամական պետության» ահաբեկիչներն ավելի ակտիվ են գործել` ունենալով մեծ տերությունների աջակցությունը, այդ թվում նաեւ Թուրքիայի:

«Հատուկ քաղաքականություն է տարվում ասորիներին վերացնելու ուղղությամբ: Պետությունները իրենց շահերից ելնելով կուլ են տալիս այն ցեղասպանությունը, որը տեղի է ունենում ասորիների նկատմամբ: Մերձավոր Արեւելքից ասորի գաղթականների հոսքը շարունակվում է, 500 ասորի պատանդ կար իսլամիստների մոտ, որոշներին սպանեցին, որոշները փրկվեցին, իսկ 150 հոգին դեռ պատանդ են մնում նրանց մոտ: Ամեն մի պատանդի համար 100.000 դոլար են ուզում, եւ վերջերս  կարողացան քսանհինգ պատանդ ազատել»,-ասաց Անահիտ Խոսրոեւան:

Նրա խոսքով, Եվրոպական պետությունները վաղուց  հասկացել են, որ սա քաղաքականություն է ասորի ժողովրդին բնաջնջելու ուղղությամբ,  բայց ոչինչ չեն ձեռնարկում այն կանխելու համար:

«ԱՄՆ-ն չի ճանաչում ասորի ժողովրդի նկատմամբ տեղի ունեցողը որպես ասորիների ցեղասպանություն, մինչ դեռ եզդի ժողովրդի նկատմամբ տեղի ունեցողն անվանեց ցեղասպանություն: Ես ասել եմ ու էլի եմ ասում, որ եզդիների նկատմամբ տեղի ունեցողը դասական ցեղասպանության օրինակ է, բայց ասորիների նկատմամբ նույնպես նույնն է արվում: Նախորդ տարվա ընթացքում 100. հազար մուսուլմաններ ստացել են ԱՄՆ մտնելու վիզա, սակայն քրիստոնյա ասորիներին չի թույլատրվում ԱՄՆ մտնել»,-ասաց նա:

Անահիտ Խոսրոեւան նշեց, որ քուրդ եւ ասորի ժողովրդի միջեւ կա լարվածություն, ասորիների եւ քրդերի պաշտպանական ջոկատների միջեւ տեղի են ունենում բախումներ, քանի որ քրդերը ցանկանում են իրենց ենթարկեցնել ասորիներին:

«Ղամիշլիում ասորիների եւ քրդերի պաշտպանական ջոկատների միջեւ տեղի են ունենում բախումներ, խնդիր կա, քանի որ քրդերը դոմինանտ լինելու պահանջ են դնում, ուզում են, որ ասորիներն իրենց ենթարկվեն: Սակայն, քրդերը պետք է մտածեն, հասկանան, որ ընդհանուր վտանգ կա, թշնամի կա եւ պետք է պայքարել այդ թշնամու դեմ եւ ոչ թե բախումներ հրահրեն ասորիների հետ»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ–ն կոչ է արել թալիբներին խաղաղության բանակցություններ սկսել
ԵՄ–ն ողջունում է Աֆղանստանի կառավարության վերջին նախաձեռնությունը...
Թալիբները հրաժարվել են Աֆղանստանում պատերազմի ավարտի հարցով ԱՄՆ-ի հետ համաձայնության գալ
«Դրանք նախնական բանակցություններ էին եւ որեւէ հարցի շուրջ համաձայնություն չի եղել»...
Հնդկաստանում երեք մարդ է զոհվել աղոթատանը պայթյունի հետեւանքով
Տուժածներին հիվանդանոց են տեղափոխել․․․․
Գրոզնիում մահապարտ կինը ինքնապայթեցում է կատարել
Գեներալը նշել է, որ միջադեպի հետեւանքով զոհեր եւ տուժողներ չկան, քանի որ հաջողվել էր կնոջը թույլ չտալ ոստիկաններին մոտենալ...
Իրանը հայտարարել է Պակիստանում հակաահաբեկչական գործողություն սկսելու պատրաստակամության մասին
Եթե Պակիստանը ինչ-ինչ պատճառներով չի կարող ահաբեկիչների դեմ գործել, Իրանը պատրաստ է Իսլամաբադի թույլտվությամբ գործողություններ անցկացնել…
ՀԿՎ-ն դիտարկել է «ճշմարտության շիճուկի» գործածության հնարավորությունը
Versed-ը գործածվում է 1970-ական թվականների վերջերից եւ այսօր էլ հասանելի է․․․
Partner news