Թուրքական Haberlinks կայքի լրագրող ու լրատվական խորհրդատու Ջան Բիլջանը կոչ է արել Թուրքիայի արեւելքում ապրող քրդերին տեղահանել դեպ Սիրիա, Իրաք ու Իրան։
Ջան Բիլջանը թվարկել է քրդական հարցի լուծման համար անհրաժեշտ քայլերը՝ Թուրքիայի արեւելքում քրդերին պետք է զրկել պետական առողջապահական ծրագրերից, սոցիալական օգնություններից, պետական ծրագրերից ու գումարային օգնություններից։ Նա կոչ է արել քրդաբնակ շրջաններում ավելացնել ոստիկանների ու զինվորականների իրավասությունները, երկարացնել ու ընդլայնել փողոց դուրս գալու արգելքները, փակել նրանց մուտքը դեպի Թուրքիայի զարգացած շրջաններ եւ նրանց տեղահանել դեպի Սիրիա, Իրաք ու Իրան։