News
Լրահոս
News
Ուրբաթ
Հունվար 18
Տեսնել լրահոսը

«Սերիալները հայկական կինոմտածողության տունը քանդում են, տակով անում մեր ապշելու կինեմատոգրաֆիան»,- NEWS.am-ի հետ զրույցում ասում է «+Կինո» ամսագրի գլխավոր խմբագիր Ռոբերտ Մաթոսյանը:

Մաթոսյանին մտահոգում է այն, որ հայկական հեռուստաալիքների գերակշիռ մասն այսօր ցուցադրում է ամեն ինչ, բացի «Հայֆիլմ» կինոստուդիայի ֆիլմերից, ինչի  հետեւանքով էլ, նրա կարծիքով, ներկայիս երիտասարդությունը ծանոթ չէ հայկական կինեմատոգրաֆին:

«Ներկայիս երիտասարդ սերունդը տեղեկացված չէ հայկական կինոյից, ոչ իր մեղքով, նրանց ուղղորդողներ չկան: Ես կարող եմ բացահայտ ասել, որ մեր հեռուստաալիքները վատ են ներկայացնում ազգային մշակույթը, այդ թվում ազգային ֆիլմերը: Ես շատ եմ ցավում, որ ազգայինը արհամարհվում է»,-ասում է նա:

Փոխարենը, ըստ Մաթոսյանի, հեռուստադիտողներին մատուցում են, «մատից ծծած», էժանագին սերիալներ, որոնք նա աղետ ու ողբերգություն է համարում:   

«Ցավալին այն է, որ արյուն, սպանություն, գռեհկաբանություն, ժարգոնային լեզուն փողոցից էկրան բերող սերիալները լսարան են հավաքում: Սա ողբերգություն է, իսկ հեղինակները կարող են ասել, լսարան կա, մենք էլ նկարում ենք, բա արվեստն էլ ինչի՞ համար է, արվեստը գեղեցիկը ներկայացնելու համար է»,- նշում է «+ Կինո» ամսագրի գլխավոր խմբագիրը: 

Հայկական սերիալների որակից եւ լսարանից խոսելիս` Մաթոսյանը հիշում է հայտնի ռեժիսոր, պրոդյուսեր, սցենարիստ Անրի Վերնոյի հետ հանդիպմանը վերջինի կողմից հնչեցրած միտքը. «Պետք չէ իջնել հանդիսատեսի մակարդակին, այլ պետք է զգուշորեն նրա ձեռքից բռնել ու վեր բարձրացնել»:

«Մեզ մոտ չունենք, ցավոք սրտի, այդ վեր բարձրացնելը, մենք ընտրում ենք հեշտ ճանապարհը` իջնում ենք ներքեւ»,-ասում է նա:

Համեմատելով հայ կինոյի անվանիներին եւ ներկայիս դերասաններին`Մաթոսյանը նշում է, որ վերջիների շաքերում նախորդներին փոխարիողների չի տեսնում:

«Չեմ հերքում, որ կան շնորհալի դերասաններ, բայց հայ կինոյի մեծերի փոխարինողներ չունենք: Երեւի ամեն մի ժամանակը ծնում է իր մեծերին: Հիմա ես տեսնում եմ իրենց աստղ երեւակայող, աստղային հիվանդությամբ տառապող դերասանների: Մեկ-երկու սերիալում խաղացած, ծամածռությունների հաշվին հայտնի դարձածների»,-ասում է նա:

Մաթոսյանը եզրափակում է` հայ կինոն, եւ առհասարակ, ազգային մշակութային արժեքները պահպանելու համար անհրաժեշտ է, որպեսզի իշխանական համապատասխան կառույցները լուրջ քաղաքականություն վարեն:

Տպել
Կարդացեք նաև
Ամբողջը
Արցախի ՄԻՊ-ը դատապարտում է միջազգային կինոարտադրողների նկատմամբ Ադրբեջանի հետապնդումները՝ Արցախում ֆիլմ նկարելու համար
Մասնավորապես, որոշակի ճնշումներ են արձանագրվել լիտվացի կինոարտադրող Կեստուտիս Դրազդաուսկասի հանդեպ՝ ոտնահարելով նրա տեղաշարժի ազատությունը, մասնավոր կյանքի անձեռնմխելիության...
Ինչպես ավլել «կրակով»․ Հուշեր հանրահայտ հայ ռեժիսոր Սերգեյ Փարաջանովի մասին
Հիշեցնենք, որ հունվարի 9-ին նշվում է հայ մեծ ռեժիսոր Սերգեյ Փարաջանովի 95 ամյակը․․․
Ես նախանձում էի խելացիներին եւ անկանխատեսելի դարձա. Սերգեյ Փարաջանով
Ուսանողական տարիներին Փարաջանովը ամուսնացել էր Նիգյար անունով թաթար աղջկա հետ (բայց ծնունդով Մոլդովայից)...
Վենետիկի կինոփառատոնում կներկայացվի «Սայաթ-Նովա» ֆիլմի ստեղծման մասին վավերագրական ֆիլմ
2018 թ. բրիտանացի կինոպրոդյուսեր Դանիել Բերդի մասնակցությամբ սկսվել է հայտնի հայկական ֆիլմերի․․․
Անընդունելի է Ազգային կինոկենտրոնի կողմից հերթական «ժամանակավոր» կանոնակարգի հապճեպ ընդունումը. Հայտարարություն
Ազգային կինոկենտրոնը, չսպասելով հանձնաժողովի աշխատանքների ավարտին, նախաձեռնեց նոր կանոնակարգի մշակման գործընթաց…
Այսօր Կինոյի միջազգային օրն է
1895թ․ դեկտեմբերի 28-ին Փարիզի «Գրանդ կաֆե» սրճարանում․․․
Ֆոտոռեպորտաժներ