News
Լրահոս
News
Չորեքշաբթի
Նոյեմբեր 30
USD
395.53
EUR
393.43
RUB
6.42
Տեսնել լրահոսը

Այսօր` սեպտեմբերի 16-ին, Կառավարությունը լիազորեց ՀՀ էներգետիկայի եւ բնական պաշարների նախարարությանը՝ իրանական «Ֆարաբ-Սեպասադ» ընկերության հետ Արաքս գետի վրա (Մեղրու շրջանում) հիդրոէլեկտրակայան կառուցելու պայմանագիր ստորագրել:

Արաքս սահմանային գետի վրա հիդրոէլեկտրակայաններ կառուցելու եւ շահագործելու նպատակով Հայաստանի եւ Իրանի կառավարությունների միջեւ 2007թ. եւ 2008թ. ստորագրվել են միջկառավարական երկու համաձայնագրեր, որոնք վավերացվել են երկու երկրների խորհրդարանների կողմից:

2009թ. ապրիլի 14-ին ՀՀ նախագահի` Իրան կատարած այցի ընթացքում ՀՀ էներգետիկայի եւ բնական պաշարների նախարարության եւ Իրանի էներգետիկայի նախարարության միջեւ ստորագրվել է Փոխըմբռնման հուշագիր՝ Մեղրի ՀԷԿ-ի կառուցման ֆինանսավորման սխեմայի վերաբերյալ, ընդ որում` իրանական կողմը պատրաստակամություն է հայտնել գնել Մեղրի ՀԷԿ-ի արտադրած էլեկտարէներգիայի ամբողջ ծավալը:

Որպես ներդրող ընկերություն՝ Իրանի էներգետիկայի նախարարությունը ներկայացրել է «Ֆարաբ-Սեպասադ» համատեղ ընկերությանը։ Ներդրող ընկերությունն ինքնուրույն լուծելու է Մեղրի ՀԷԿ-ի կառուցման եւ շահագործման հետ կապված ֆինանսական միջոցների հայթայթման  եւ կազմակերպական բոլոր հարցերը: Շինարարությունը պետք է իրականացվի 5 տարվա ընթացքում, որից հետո 15 տարի Մեղրի ՀԷԿ-ի արտադրած էլեկտաէներգիան պետք է տեղափոխվի Իրան` ներդրողի կողմից կառուցվող 230 կՎ լարման էլեկտրահաղորդման գծով: Ըստ ՀՀ էներգետիկայի եւ բնական պաշարների նախարար Ա. Մովսիսյանի՝ ներդրումների հետվերադարձը ապահովելու համար էլեկտրաէներգիայի արժեքը հաշվարկվել է 5-6 ցենտ (մոտ 18-22 դրամ)։ Այսինքն՝ այն համարժեք է այն սակագնին, որով հայկական փոքր ՀԷԿ-երը էլեկտրաէներգիա են մատակարարում բաշխիչ ցանցերին։ Շահագործման 15-րդ տարվա ավարտին  Մեղրի  ՀԷԿ-ը պետք է անհատույց փոխանցի հայկական կողմին:

Ընդ որում, համատեղ փորձարկումներով պետք է հիմնավորվի, որ ՀԷԿ-ի էլեկտամեխանիկական եւ հիդրոմեխանիկական սարքավորումներն ունեն օգտակար շահագործման առնվազն 10 տարվա ռեսուրս, իսկ թունելը եւ ինժեներական կառույցները` առնվազն 30 տարվա ռեսուրս:

Նախնական պայմանավորվածության համաձայն` Մեղրի ՀԷԿ-ի շինարարության եւ շահագործման ընթացքում իրանական ներդրող ընկերությանը պետք է տրամադրվեն հարկային եւ մաքսային արտոնություններ։

Ա. Մովսիսյանի տեղեկացմամբ՝ Արաքս գետի վրա պետք է կառուցվի 2 հէկ-ից բաղկացած կասկադ, որից մեկը կպատկանի Հայաստանին (Մեղրի հէկը), մյուսը՝ Իրանին (Ղարաչինարի հէկ-ը)։ Ընդ որում՝ հայկական կայանը հանդիսանալու է գլխամասային հանգույց (շարքում առաջինն է)։ Այն արտադրելու է տարեկան 180 մլն կվտ/ժամ էլեկտրաէներգիա։ Ներդրումների ընդհանուր արժեքը, 2009 թ. գներով, կազմելու է 323 մլն դոլար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մհեր Գրիգորյանը Իրանի դեսպանի հետ քննարկել է հնարավոր ապաշրջափակման դեպքում ՀՀ-ի և Իրանի միջև երկաթգծի գործարկման հարցը
ՀՀ փոխվարչապետ Մհեր Գրիգորյանն ընդունել է Հայաստանում Իրանի Իսլամական Հանրապետության դեսպան Աբաս Բադախշան Զոհուրիին…
Սյունիքի մարզը կարևոր է մեզ համար, նրա նկատմամբ որևէ երկիր չպետք է ունենա որևէ նկրտում. Իրանի դեսպանը՝ ՀՀ դատախազին
Հանդիպման ընթացքում Հայաստանի գլխավոր դատախազը և Հայաստանում Իրանի դեսպանը անդրադարձ են կատարել փոխադարձ հետաքրքրություն ներկայացնող մի...
Իրանի եւ Հայաստանի միջեւ հարաբերությունների ընդլայնումը կամրապնդի կայունությունն ու անվտանգությունը Հարավային Կովկասում
Այս մասին Հայաստանի ԱԳ փոխնախարար Մնացական Սաֆարյանի հետ հանդիպմանը հայտարարել է Իրանի ԱԳ փոխնախարար Ալի Բաղերի Կանին․․․
Հայ եւ իրանցի դիվանագետները Թեհրանում քննարկել են Հայաստանի եւ Իրանի հարաբերությունների ընդլայնման հեռանկարները
Մնացական Սաֆարյանը եւ Հոսեյն Ամիր Աբդոլահիանը Թեհրանում քննարկել են երկկողմ հարաբերությունների ընդլայնման հարցերը...
«Հրապարակ». Իրանը նաեւ տնտեսական ներկայություն է ապահովում Սյունիքում
Կապանում բոլորը գիտեն, որ կենցաղի տան սեփականատերն Էդիկ Բարսեղյանն է՝ Լոնդիկը, ով ծնունդով գորիսեցի է...
Ձևավորված ավանդույթներն ու փոխգործակցությունը կլինեն շարունակական». Արգիշտի Քյարամյանը՝ ՀՀ-ում Իրանի դեսպանին
Քննչական կոմիտեի նախագահ Արգիշտի Քյարամյանը նոյեմբերի 16-ին ընդունել է…
Ամենաշատ