Երեւանում այսօր՝ փետրվարի 24-ին, մի խումբ երիտասարդներ «Ազատություն քաղբանտարկյալներին» պահանջով պառկել են նախագահական նստավայրի դիմաց եւ բողոքի ակցիա իրականացնում:
«Քաղաքական միակ հասցեատերը Սերժ Սարգսյանն է, այդ պատճառով էլ Բաղրամյան 26-ի դիմաց ենք պառկել եւ արտահայտում մեր բողոքը»,- լրագրողների հետ զրույցում ասաց բողոքի ակցիա անող երիտասարդներից մեկը, որը չցանկացավ ներկայանալ:
Նշենք, որ ակցիայի սկսվելուց 15-20 րոպե հետո ոստիկանները ակտիվիստներին մտցրեցին ոստիկանական մեքենան եւ բերման ենթարկեցին։ Մեր տեղեկություններով, նրանց բերման են ենթարկել ոստիկանության Արաբկիրի բաժին։
Բերման ենթարկված քաղաքացիների մեջ են՝ Արտակ Գեւորգյանը, Տիգրան Մազմանյան, Միքայել Նազարյանը, Անդրանիկ Վարդանյանը, Սիփան Փաշինյանը, Կարո Ղուկասյանը, Փայլակ Թեւանյանը :