«Հայաստանի էլեկտրական ցանցեր» ՓԲԸ-ն 2015թ.-ին ենթարկվել է 60 մլն դրամի չափով տուգանքի: Այս մասին այսօր` փետրվարի 25-ին, ԱԺ-ում ասաց Հանրային ծաայությունները կարգավորող հանձնաժողովի նախագահ Ռոբերտ Նազարյանը, որը ներկայացնում է Հանձնաժողովի 2016թ. գործունեության ծրագիրը:
«ՀԷՑ-ը որոշ դեպքերում չի ապահովել նոր սպառողների սպառման համակարգերն էլեկտրական ցանցերին միացնելու կարգը: Այդ պատճառով նախորդ տարում ընկերությունը տուգանվել է 60 մլն դրամի չափով եւ տրվել են համապատասխան հանձնարարականներ` խնդիրների լուծման համար»,- ասաց Ռոբերտ Նազարյանը:
ՀԾԿՀ նախագահի խոսքով` 2016թ.-ի ընթացքում իրենք շարունակելու են հետեւել իրենց տիրույթում գտնվող ընկերությունների աշխատանքներին, ստանալու են ֆինանսական հաշվետվություններ եւ կատարելու համապատասխան լիազորություններ: