«Forbes Woman» ամսագրի մարտի շապիկին հայտնվել է «Տաշիր» գրուպի սեփականատեր Սամվել Կարապետյանի դուստրը՝ Տաթեւիկ Կարապետյանը։
«Տաշիր» ընկերության փոխնախագահ 25-ամյա Տաթեւիկ Կարապետյանի մասին հոդվածը հրապարակվել է «Ժառանգորդուհի. Կարծես կինոյում» բաժնում եւ պատմում է այն մասին, թե ինչպես են նրան նախապատրաստել ընտանեկան բիզնեսին։
Ամսագիրը նշում է, որ թեպետ Տաթեւիկ Կարապետյանը ղեկավարում է «Սինեմա Սթար» կինոթատրոնների դաշնային ցանցը, սակայն հեշտորեն կարող է զրուցել նաեւ շինարարական թեմաներից։
