Բաքու այցելած ԵԽԽՎ նախագահ Պեդրո Ագրամունտը հանդիպել է Ադրբեջանի նախագահ Իլհամ Ալիեւի հետ։

ԱՊԱ գործակալության փոխանցմամբ՝ գոհունակություն հայտնելով Բաքու կատարած այցի կապակցությամբ՝ Ագրամունտը նշել է, որ այդ պաշտոնում ընտրվելուց հետո առաջին արտասահմանյան այցերից մեկը եղել է Ադրբեջան կատարած այցելությունը։ Նա նաեւ ընդգծել է, որ Ադրբեջանը հատկապես կարեւոր է իր համար։

Հայտարարելով, որ ներկայումս ողջ աշխարհը, այդ թվում՝ Եվրոպան, բախվում է տարբեր դժվարությունների, ԵԽԽՎ նախագահը նշել է նման պարագայում փոխադարձ շահավետ հարցերի քննարկման կարեւորությունը։ Նա ընդգծել է, որ Ադրբեջանը որոշ հարցեր լուծելու տեսանկյունից նշանակալի պետություն է։