Ընդդիմադիր 6 ուժերի ներկայացուցիչների համատեղ հավաք-երթը՝ ի հիշատակ 2008-ի մարտի 1-ի զոհերի, ավարտվեց Մյասնիկյանի արձանի մոտ (ֆոտոռեպորտաժ):
Քաղաքական գործիչներն ու երթի մյուս մասնակիցները ծաղիկներ դրեցին արձանի մոտ:
Երթի մասնակիցները Մյասնիկյանի արձանի մոտ երթով շարժվեցին Ազատության հրապարակից:
Նշենք, որ ոստիկանները նույնպես ծաղիկներ ունեին ու դրանք դրեցին արձանի մոտ:
Հիշեցնենք, որ 2008թ. փետրվարի 18-ի նախագահական ընտրություններից հետո ՀՀ առաջին նախագահ Լեւոն Տեր-Պետրոսյանի կողմնակիցները հավաքվել էին Ազատության հրապարակում եւ պահանջում էին ընտրությունների վերանայում: Նրանք 10 օր շարունակ շուրջօրյա հանրահավաքներ էին անցկացնում Ազատության հրապարակում: Մարտի 1-ի առավոտյան ոստիկանությունը ուժով ցրեց Ազատության հրապարակում հավաքվածներին, իսկ նույն օրը երեկոյան իշխանությունները հրազեն կիրառեցին անզեն ցուցարարների դեմ, որի հետեւանքով զոհվեց 10 քաղաքացի, այդ թվում երկու ոստիկան: Մինչ օրս 10 զոհերի համար ոչ ոք պատասխանատվություն չի կրել: