«Քանդակագործության ազգային պարկ» թանգարանը ստորագրահավաք է նախաձեռնել՝ պահանջելով զերծ մնալ Անիի Տիգրան Հոնենց եկեղեցու պատմական պատկանելիության շուրջ հայտարարություններից, ինչպես նաեւ եկեղեցու մոտակայքում տեղադրված ցուցանակում նշել «Հայկական քրիստոնեական եկեղեցի» անվանումը: Ստորագրահավաքն անցկացվում է «Change.org» կայքում:
«Անցյալում լինելով պատմական հայկական մայրաքաղաք ու մի քանի ազգությունների բնակավայր՝ Անին մնում է հայկական, ինչն արձանագրված է պատմական տեղեկություններում, առկա վիմագրերում: Հայտարարելով Անին մշակութային բազմազանության պատմական տարածք՝ Թուրքիան շեղում է միջազգային հանրությանը բուն հայկական պահանջներից և դրանով իսկ ստեղծում պահանջի չեղարկման միջավայր:
Սակայն մեզ համար հատկապես մտահոգիչ է եկեղեցու վերակագնման ընթացքում այն քաղկեդոնական հայտարարելը և դրանով իսկ վրաց-հայկական դարավոր բարեկամության մեջ վիճաբանությունների և մշակութային հակամարտության հրահրումը»,- ասված է հայտարարության մեջ:
Ստորագրահավաքին արդեն 1300-ից ավելի մարդ է միացել:
Նշենք, որ Տիգրան Հոնենց եկեղեցին վերանորոգվել է:
