Ռուսական պատժամիջոցները վնաս են հասցրել Թուրքիայի տնտեսությանը: Ամենից շատ տուժել է բանկային համակարգը: Չվերադարձրած վարկերի քանակը 3 տոկոսով գերազանցել է պարտքերի ընդհանուր ծավալը, ինչը վերջին 5 տարվա ամենաբարձր ցուցանիշն է:Այս մասին հայտնում է Bloomberg գործակալությունը:
«Այդ միտումը շարունակվում է եւ դեռ կուժեղանա: Թեպետ ես չեմ կարծում, որ իրավիճակը հսկողությունից դուրս է գալիս, սակայն ռուսական պատժամիջոցների ազդեցությունը հարված է զբոսաշրջությանը, իսկ թուլացած ազգային արժույթը վնասելու է կորպորատիվ սեկտորին»,– մեջբերում է գործակալությունը Commerzbank-ի վարկային վերլուծաբան Ապոստոլոս Բանտիսի խոսքը:
Ընդհանուր առմամբ տարվա սկզբին Թուրքիայում չմարված վարկերի ծավալը 514 մլն դոլարով աճել է: Դա 60 տոկոսով ավելի է, քան անցյալ տարի: Եթե պարտքերի աճը շարունակվի, ապա դա բացասաբար կանդրադառնա երկրի բանկային համակարգի ընդհանուր վիճակի վրա, փոխանցում է REN.TV-ն:
