Իրանն ու Հայաստանը մշակութային երկխոսություն զարգացնելու մեծ հնարավորություններ ունեն։ Այս մասին մարտի 10-ին կայացած մամուլի ասուլիսին ասել է Հայաստանում Իրանի դեսպանատան մշակույթի հարցերով խորհրդական Մաջիդ Մեշքին։ Ասուլիսը նվիրված էր Երեւանում «Իրանական մանրանկարչության արվեստը» թեմայով ցուցահանդեսին։
Դիվանագետը ուրախություն է հայտնել Հայաստանում երկրորդ իրանական ցուցահանդեսի կազմակերպման կապակցությամբ։ «Մշակույթը բոլոր ժողովուրդներին եւ երկրներին միավորման կոչ է անում։ Նման երկխոսությունը հատկապես պետք է, երբ ողջ աշխարհում բռնություն եւ պատերազմ է տարածվում։ Մենք պարտավոր ենք գնալ այդ բանակցությանը, եթե խաղաղություն ենք ուզում»,- նշել է Մեշքին։
Նշենք, որ ցուցահանդեսը կկայանա մարտի 11-ին Ազգային պատկերասրահում։ Այն կշարունակվի 1 ամիս։ Մուտքն ազատ է։
