News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը


ՀՀ Վերաքննիչ քրեական դատարանի որոշմամբ` 2014թ. հուլիսի 18-ին ԼՂՀ ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետերից մեկում ծառայակից Գեւորգ Ավագյանին մահացու հրազենային վիրավորումներ պատճառելու մեջ մեղադրվող Արմեն Սարգսյանը 14 տարի կմնա անազատության մեջ:

Վերաքննիչ քրեական դատարանն այսօր` մարտի 14-ին, ամբողջությամբ բավարարեց մեղադրող Պետրոսյանի եւ մասամբ` տուժողի իրավահաջորդի ներկայացուցիչ Պապոյանի բողոքը ընդդեմ Սյունիքի մարզի ընդհանուր իրավասության դատարանի վճռի, որով Արմեն Սարգսյանը դատապարտվել էր 11 տարվա ազատազրկման:

Ղեւոնդ Պապոյանը իր բողոքը հիմնավորեց նրանով, որ մեղադրյալի արարքին պատշաճ քրեաիրավական որակում չի տրվել, դատավարության ընթացքում անհիմն մերժվել են իր միջնորդությունները, ինչի հետեւանքով էլ մեղմ պատիժ է սահմանվել: Իր բողոքով պաշտպանը Վերաքննիչից պահանջեց բեկանել առաջին ատյանի դատավճիռը, ավելի խիստ պատիժ նշանակել մեղադրյալի նկատմամբ, կամ գործը հետ ուղարկել համապատասխան ստորադաս ատյան` նոր քննության:

Իսկ մեղադրող դատախազը վիճարկեց միայն մեղադրյալի նկատմամբ նշանակված պատժի ժամկետը` պահանջելով նրան դատապարտել 15 տարվա ազատազրկման:

Նշենք, որ դատական նիստը անցավ բավական լարված մթնոլորտում: Սպանված Գեւորգ Ավագյանի հարազատները բորբոքվեցին, երբ մեղադրյալ Արմեն Սարգսյանի պաշտպան Ժորա Վարոսյանը հայտարարեց, թե տուժող եւ մեղադրող կողմերի բողոքներն անհիմն են, իսկ իր պաշտպանյալը արարքը կատարել է հոգեպես անհավասարակշիռ վիճակում, մինչդեռ դատահոգեբանական, դատահոգեբուժական փորձաքննության եզրակացության համաձայն, վերջինի մոտ աֆեկտի վիճակ չի եղել:

Մեղադրողի այն պնդմանը, թե Արմեն Սարգսյանը ծառայության ընթացքում իրեն լավ չի դրսեւորել, պաշտպանը հայտնեց, թե իր պաշտպանյալը հարթաթաթություն ունի, եւ շուտ հոգնել է, ինչին ի պատասխան, սպանվածի հարազատները տեղից վեր կենալով, բղավեցին. «հո խելքից էլ հարթաթաթ չի՞, մեր տղու փակ դագաղը բերեցին տուն: Ուրախ-զվարթ ճամփել էինք, որ տենց սպանես, ո՞վ էր քեզ զենք վստահել»:

Սպանվածի հարազատներին հատկապես վրդովեցրեց պաշտպանի հայտարարությունը, թե իր պաշտպանյալի պատիժը ոչ թե մեղմ, այլ մի բան էլ խիստ է, եւ ավելի ուշ հնչեցրած հռետորական հարցը «Ի վերջո, ո˜վ է որոշում, թե դատապարտյալը քանի տարում կուղղվի: Իսկ դա էլ մեր քրեակատարողական հիմնարկների խնդիրն է»:

Գեւորգ Ավագյանի եղբորը, եւ հորը կարգադրիչները գրկած դուրս բերեցին դահլիճից, իսկ մորը փորձում էին հանգստացնել, բայց ապարդյուն:

«Քեզ պիտի ցմահ տային, ախպորս ես սպանել, ես էլ քեզ եմ սատկացնելու»,- մեղադրյալին ասաց Գեւորգ Ավագյանի եղբայրը:

Դատավորների հարցին, թե ինչու է սպանել ծառայակցին, մեղադրյալ Արմեն Սարգսյանն իր արարքը այսկերպ պատճառաբանեց` «հայհոյել էր»:

Դատավոր Մանուշակ Պետրոսյանին վրդովեցրեց մեղադրյալի պատասխանը. «Ինչի հայհոյելու համար զինվոր են սպանու՞մ, ծառայակից, էն էլ, թե՞ դու  ձեր կյանքում հայհոյած չկայիք, գիշեր ցերեկ հայհոյում եք էլի»:

Ավելի վաղ NEWS.am-ը հայտնել էր, որ Լեռնային Ղարաբաղի ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետերից մեկում 2014. հուլիսի 18-ին մահացու հրազենային վիրավորում ստացած ժամկետային զինծառայող Գեւորգ Ավագյանին սպանելու կասկածանքով ձերբակալվել է նրա ընկերը:

Նշենք, որ դեպքը տեղի է ունեցել առավոտյան ժամը 07:00-ի սահմաններում: ԼՂՀ ՊԲ-ն դեպքի մանրամասները պարզելու համար տանում է քննություն: Մահվան առթիվ հարուցվել է քրեական գործ՝ սպանության հատկանիշներով, ձերբակալվել է զինվորի ծառայակից ընկերը:

Տպել
Կարդացեք նաև
Ամբողջը
Թայվանուհուն մահապատիժ է սպառնում կղզու ամենամահաբեր հրդեհը կազմակերպելու համար
Կինը փորձել էր վրեժ լուծել իր ընկերոջից դավաճանության համար...
3-րդ հարկից իրեն ցած նետած աղջկա վիճակը ծայրահեղ ծանր է
Փաստի առթիվ Արաբկիրի քննչական բաժնում նյութեր են նախապատրաստվում․․․
Փող կտաս՝ բաց կթողնենք, չես տա՝ այստեղ կփտես․ Ադրբեջանում դատում են ուսադիրներով հանցագործներին
Նշվում է, որ լրագրողներին թույլ չեն տալիս մասնակցել դատավարությանը՝ թեեւ այս հարցով համապատասխան որոշում չկա․․․
Արցախում ավտովթարի հետեւանքով ծանր վնասվածք ստացած երեխան ռուս խաղաղապահների ուղղաթիռով տեղափոխվել է Երեւան. Բեգլարյան
Հունվարի 19-ին Ճարտար քաղաքում տեղի ունեցած ավտովթարի հետեւանքով չորս երեխա է վնասվածք ստացել, որոնցից երեքը՝ միջին ծանրության…
Դատախազությունը հուղարկավորության ծառայությունների ոլորտում սխեմատիկ չարաշահումները վերացնելու առաջարկներ է ներկայացրել
Բացի այդ, ըստ ուսումնասիրության, «Բնակչության հատուկ սպասարկման» ՀՈԱԿ-ը վերահսկողական մեխանիզմներ չունի կամ դրանք պատշաճ չի իրականացնում...
Որդու գերեզմանին ինքնասպանության փորձ կատարած դպրոցի տնօրենը հիվանդանոցում մահացել է. նրա դեմ քրգործ կար
Իր հայտարարությամբ Անուշ Դ.-ն հայտնել է, որ նշված գումարն ինքն է փոխանցել Գայանե Ա.-ին՝ առանց ՊՈԱԿ-ի որևէ աշխատակցի, այդ թվում՝ հաշվապահի...
Ամենաշատ
Ֆոտոռեպորտաժներ