Ռուսաստանի մայրաքաղաք Մոսկվայում անցած շաբաթ մահափորձի արդյունքում ծանր վիրավորված ռուսական մաֆիայի պարագլուխներից մեկը` Ասլան Ուսոյանը առնչություններ է ունեցել PKK-ի հետ:
Սեպտեմբերի 21-ին թուրքական Milliyet-ը հղում կատարելով SV Pressa գործակալությանը, «Դեդ Հասան» մականունով հայտնի, օրենքով գող Ուսոյանի մասին գրում է, որ նա PKK-ի ու քրդերի ամենակարեւոր հովանավորն է: Ըստ SV Pressa-ի` Ուսոյանը 2008 թվականին Բաքվում «Բիլո» մականունով մի քրդի հետ հանդիպելով, կազմակերպել է Վրաստանով եւ Ադրբեջանով որոշ քրդերի Թուրքիայից Ռուսաստան անցումը: Ուսոյանի մոտ ընկեր, ծագումով քուրդ, Վրաստանի քաղաքացի Զահարի Քալաշովը փողերի լվացման եւ անօրինական կազմավորում ձեւավորելու մեղադրանքով, այս տարվա հունիսին Իսպանիայում 7,5 տարվա ազատազրկման է դատապարտվել:
2006-ին Լոնդոնում թունավորումից սպանված ԿԳԲ-ի նախկին գործակալ Ալեքսանդր Լիտվինենկոն մեղադրում էր Քալաշովին PKK-ին ռուսական զենքի վաճառքի միջնորդության մեջ:
