News
Լրահոս
News
Երկուշաբթի
Մայիս 27
Տեսնել լրահոսը

«Հայջրմուղ» ընկերությունը մարտի 22-ին Աշտարակ քաղաքում ներկայացրել է SCADA նոր համակարգ երկրի 7 մարզերում խմելու ջրի մատակարարումները կառավարելու համար: Ինչպես լրագրողներին հայտնել է ընկերության գլխավոր տնօրեն Փաթրիք Լորենը, համակարգը լիովին արդարացնում է իր ծախսերը, ավելին ՝ այն կօգնի էներգիա ու այլ ռեսուրսներ տնտեսել: Ընկերությունը կիմանա, թե որքան էլեկտրաէներգիա, քլոր, կամ էլի որեւէ բան է անհրաժեշտ տվյալ տարածքում, որպեսզի ջուրը ունենա անհրաժեշտ ճնշում ու մաքրություն:

«Հիմա մեր աշխատակիցները տեղերում արդեն չեն կարողանա ասել, որ ջուր չկա, եթե այն իրականում կա: Բոլոր ջրամբարների ու խողովակների վիճակը հիմա պարզ երեւում է համակարգում, հետեւաբար բոլոր աշխատակիցները հսկողության տակ կլինեն: Ես գիտեմ ՝ հայերը այդքան էլ չեն սիրում հսկողության տակ լինել, բայց չէ՞ որ դրա շնորհիվ է, որ Հայաստանում ջուր կա»,- ասել է Լորենը:

Նրա խոսքով, համակարգը նաեւ նկատելիորեն նվազեցնում է մարդկային գործոնի դերը: Տեսուչներն արդեն ձեռքով չեն գրանցելու ջրի հաշվիչների ցուցմունքները: Նրանք լուսանկարելու են հաշվիչները բջջային սարքով, իսկ լուսանկարներն էլ ավտոմատ կերպով ուղարկվելու են սերվեր: Այսպիսով, արդեն հնարավոր չի լինի պայմանավորվել տեսուչի հետ, կամ էլ քիչ գրել օգտագործած ջրի թվերը:

Հիշեցնենք, որ «Հայջրմուղը» գործում է Երեւանի սահմաններից դուրս ու սպասարկում է Հայաստանի 7 մարզերում 38 քաղաքներ ու 268 գյուղեր: 2004-ից սկսած «Հայջրմուղ» ՓԲԸ-ի կառավարումը պայմանագրային հիմունքներով հանձնվել է ֆրանսիական SAUR ընկերությանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Այս հայտարարությունից հետո պարոն վարչապետը ինձ կարող է դուրս անել գործից». Փոխնախարարը ներկայացրեց 10 տարվա տեսլականը
Ի՞նչ ենք ունենալու 10 տարի հետո գյուղատնտեսությունում. Արտահանումը պետք է հասնի 1 մլրդ դոլարի…
Տաթեւ համայնքն ամենաբարենպաստ միջավայրն է ստեղծում մարզի տնտեսական հետագա զարգացման համար. Սյունիքի մարզպետ
Մարզային իշխանությունները պետք է կապող օղակ դառնան բիզնես գաղափարներ ունեցողների միջեւ...
Նիկոլ Փաշինյանը Սյունիքի մարզում է. նա մասնակցում է բիզնես համաժողովին (ուղիղ)
Համաժողովն ընթանում է Տաթեւ համայնքի «Տաթեւեր» ճոպանուղու «Հալիձոր» կայանին հարակից տարածքում…
Եղեգնաձորն էլ միացավ մետաղական հանքարդյունաբերությունը մերժած համայնքներին․ ՀԲՃ
Այն ընդունվել է 6 կողմ, 1 դեմ, 1 ձեռնպահ ձայներով...
Դոլարն ու եվրոն թանկացել են
Թանկարժեք մետաղների համար բանկի կողմից սահմանվել են հետեւյալ գները...
Կառավարությունում հաստատվել է համայնքներից ստացված սուբվենցիոն ծրագրերի 46 հայտ` շուրջ 1.9 մլրդ ընդհանուր ծավալով
ՀՀ փոխվարչապետ Տիգրան Ավինյանի համակարգմամբ…