News
Լրահոս
News
Ուրբաթ
Մարտ 29
Տեսնել լրահոսը

Հայաստանի հավաքականին հեշտ չի լինելու Բելառուսի հետ ընկերական խաղում: Այս մասին NEWS.am-ի թղթակից Վերա Մարտիրոսյանի հետ զրույցում նշել է Բելառուսի հավաքականի նախկին մարզիչ Գեորգի Կոնդրատեւը՝ անդրադառնալով այսօր՝ մարտի 25-ին Երեւանում կայանալիք Հայաստան-Բելառուս ֆուտբոլային հանդիպմանը:

Նշենք, որ Կոնդրատեւը Բելառուսի հավաքականի մարզիչն է եղել այն ժամանակ, երբ 2012 թվականին Երեւանում Բելառուսի ընտրանին 1:2 հաշվով հաղթեց Հայաստանի հավաքականին:
Պարոն Կոնդրատեւ, ի՞նչ կասեք Բելառուսի հավաքականի ներկայիս վիճակի եւ նրանց հնարավորությունների մասին:

Ինձ դժվար է խոսել հավաքականի մասին: Ինքս մեկ տարի առաջ նրա մարզիչն էի: Չեմ ցանկանա գնահատական տալ, բայց թիմը լավ պոտենցիալ ունի: Մի քանի ֆուտբոլիստներ 30-ն անց են արդեն, մյուսները ՝24-29 տարեկան են: Շատերը հանդես են գալիս արտերկրում: Կարծում եմ՝ ձեր թիմին հեշտ չի լինի:
Բելառուսի կազմում բացակայում են Գլեբը, Պուտիլոն, Բորդաչեւը եւ Ստասեւիչը: Որքանո՞վ է նրանց բացակայությունը մեծ կորուստ թիմի համար:

Պուտիլոն վաղուց թիմում չի խաղում: Նա մշտապես վնասվածքներ ունի: Վերջին խաղերում չէր խաղում, եւ թիմակիցները առանց նրա լավ խաղացին: Գլեբը նույնպես առաջատար ֆուտբոլիստ չէ թիմում: Անունով այո, բայց դաշտում օգտակար բաներ քիչ է անում: Իսկ Ստասեւիչի ու Բորդաչեւի բացակայությունը մեծ կորուստ է: Բայց Բորդաչեւին կարող է փոխարինել Մաքսիմ Վոլոդկոն:

Դուք Բելառուսի հավաքականի մարզիչն էիք, երբ այստեղ հաղթեցիք հայերին: Ի՞նչ կասեք Հայաստանի հավաքականի մասին:
Այժմ հետեւում եմ այն տղաների խաղին, որոնք հանդես էին գալիս մեր դեմ այն ժամանակ: Հիմա ձեր թիմում անկում է նկատվում, բայց դե առաջատարները կան՝ Մովսիսյանը, Մխթարյանը, որի խաղին ես հետեւում եմ: Թիմերը գրեթե հավասարազոր են: Չորս տարի առաջ մենք հաղթեցինք, քանի որ բախտներս բերեց ինչ-որ տեղ: Հավասար խաղ էր ընթանում: Դուք լավ պահեր ունեինք, բայց մենք ավելի հաջողակ էինք:

Կանխազգացում կա՞, թե որ թիմը կհաղթի:
Կհաղթի նա, ում բախտը կբերի ավելի շատ: Գուցե եւ ոչ-ոքի գրանցվի:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«59 հարց ֆուտբոլի մասին և ոչ միայն» Լիլիթ Մակունցի հետ
Այս և այլ հարցերի պատասխանը տվել է Հայաստանի Հանրապետության մշակույթի նախարարի պաշտոնակատար Լիլիթ Մակունցը...
«59 հարց ֆուտբոլի մասին եւ ոչ միայն» Էդուարդ Շարմազանովի հետ
Ո՞ւմ է նա համարում բոլոր ժամանակների լավագույն քաղաքական գործիչ...
«59 հարց ֆուտբոլի մասին և ոչ միայն»՝ Դավիթ Սանասարյանի հետ
Եղե՞լ է այնպես, որ նրա սերը մերժեն, պե՞տք է արդյոք հայերը հպարտանան Քիմ Քարդաշյանով, ի՞նչ խորհուրդ կտար ինքն իրեն 18 տարեկանում...
«59 հարց ֆուտբոլի մասին եւ ոչ միայն»՝ Նաիրա Զոհրաբյանի հետ
NEWS.am-ը վերսկսում է «59 հարց ֆուտբոլի մասին եւ ոչ միայն» հաղորդաշարը...
Լեգենդար Բատիստուտան՝ հայկական Վարդավառի եւ կովեր պահելու մասին (Ֆոտո)
Բատիստուտան պատմել է, որ այլեւս ֆուտբոլով չի զբաղվում․․․
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Ամենաշատ