News
Լրահոս
News
Երեքշաբթի
Հոկտեմբեր 26
Տեսնել լրահոսը


Սերժ Սարգսյանն այսօր երեկոյան ԱՄՆ-ից վերադառնալուց անմիջապես հետո անցկացրել է Ազգային անվտանգության խորհրդի նիստ, տվել մի շարք հանձնարարականներ: Նախագահը հրապարակել է հայկական կողմի կորուստները՝ 18 զոհ եւ 35 վիրավոր: Լեռնային Ղարաբաղի բնակչության անվտագությունն ապահովելու նպատակով Սերժ Սարգսյանը առաջարկել է Լեռնային Ղարաբաղի հետ ռազմական փոխօգնության պայմանագիր կնքել եւ հանձնարարել  է տեքստը քննարկել եւ ուղարկել Ազգային ժողով:

Լեռնային Ղարաբաղի զինված ուժերը հաղորդում են, որ ադրբեջանական զինուժը տվել է 200-ից ավելի կորուստ, հայկական ուժերը ոչնչացրել են հակառակորդի 2 ուղղաթիռ, երեք տանկ, երկու անօդաչու սարք:

Ապրիլի 1-ի լույս 2-ի գիշերը Լեռնային Ղարաբաղի բնակավայրերի հրետակոծության հետեւանքով վիրավորված երկու երեխաների վիճակը կայուն ծանր է: 12-ամյա Վարդան Անդրեասյանը եւ 11-ամյա Գեւորգ Գրիգորյանը Ստեփանակերտի մանկական հիվանդանոցի վերակենդանացման բաժանմունքում են: Հիշեցնենք, որ եւս մեկ երեխա` 12-ամյա Վաղինակ Գրիգորյանը, մահացել է:

Վիրավորների թվում է նաեւ Մատաղիսի գյուղապետ Զավեն Ավանեսյանը: Նա լյարդի վնասվածք է ստացել, վիճակն այժմ ծանր կայուն է:

Այս պահին ղարաբաղա-ադրբեջանական շփման գծում իրավիճակը մնում է լարված:

Միջազգային հանրությունը շարունակում է արձագանքել Ադրբեջանի սանձազերծած աննախադեպ հարձակողական գործողություններին: ԵԱՀԿ Մինսկի խմբի համանախագահները տարածել են հայտարարություն, որում դատապարտել են ուժի կիրառումը եւ կողմերին կոչ են արել դադարեցնել կրակը, ձեռնարկել բոլոր անհրաժեշտ քայլերը իրավիճակը կայունացնելու համար:

ՀԱՊԿ մամուլի քարտուղարը հայտարարել է, որ ադրբեջանական կողմի գործողությունները սրում են իրավիճակը Լեռնային Ղարաբաղում: ՀԱՊԿ գլխավոր քարտուղար Նիկոլայ Բորդյուժան Սեյրան Օհանյանի հետ ունեցել է հեռախոսազրույց, որի մանրամասները չեն հաղորդվում:

Ստեղծված իրավիճակը հեռախոսազրույցում քննարկել են նաեւ ՀՀ արտգործնախարար Էդվարդ Նալբանդյանը եւ Ռուսաստանի նրա գործընկեր Սերգեյ Լավրովը: Լավրովը բանակցել է Հայաստանի ու Ադրբեջանի գործընկերների հետ, նա կողմերին կոչ է արել ազդել իրավիճակի վրա Լեռնային Ղարաբաղում բռնությունները դադարեցնելու նպատակով:

Հիշեցնենք, որ Լեռնային Ղարաբաղի ու Ադրբեջանի զինված ուժերի շփման գծում ապրիլի 1-ի լույս 2-ի գիշերը ադրբեջանական կողմը հարձակողական գործողություններ է ձեռնարկել հարավ արեւելյան ու հյուսիսարեւելյան ուղղություններով։ Հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլեւ խաղաղ բնակավայրերը: Ընդ որում զենքի այլ տեսակների հետ օգտագործվել են նաեւ հրետանի, զրահատեխնիկա ու օդային ուժեր:

Արտահերթ թողարկում. Լարվածություն հայ-ադրբեջանական սահմանին

Տպել
Կարդացեք նաև
Ամբողջը
ԶՈՒ ԳՇ տեղեկատվական բաժնի պետ Սամվել Ասատրյանն անցել է կոռեկտության սահմանները. Գեւորգ Գորգիսյան
Որպես ՀՀ ԱԺ Պաշտպանության և անվտանգության հարցերի մշտական հանձնաժողովի և Ապրիլյան քառօրյա պատերազմի հանգամանքներն ուսումնասիրող...
Ապրիլյան պատերազմի քննիչ հանձնաժողովը հետապնդում էր մեկ նպատակ՝ կասկածի տակ դնել ապրիլյան հաղթանակը. Աշոտյան
Կոտրել հաղթողի հոգեբանությունը և 2016թ-ի հաղթանակը դարձնել քաղաքական շահարկումների առարկա...
Ըստ զեկույցի Արտակ Դավթյանը ապրիլյանի մեղավորներից է, բայց նա հիմա ԳՇ պետն է. Էդմոն Մարուքյան
Ապրիլյան պատերազմի խորքային պատճառները գոնե այն մարդկանց շրջանակներում, որոնք ունեն գաղտնիության մատչելիություն, ի սկզբանե պարզ էր…
Հակասող տեղեկություններ լսեցի. Սոֆյա Հովսեփյանը ՝ ապրիլյանի զեկույցի մասին
Ես կարծում եմ, որ զեկույցի քննարկումը հրապարակային կարող էր լինել, եթե 44-օրյա պատերազմը չլիներ...
Հայտնի է, թե Ապրիլյան պատերազմի ժամանակ հայկական կողմը երբ է իմացել հարձակման մասին. Անդրանիկ Քոչարյան
Կամաց-կամաց, թույլատրելի սահմաններում, ինձնից, հանձնաժողովի անդամներից, պատգամավորներից, որոնք լսեցին եւ ունեն իրավասություն ծանոթանալու…
ԱԺ-ն փակ նիստում քննարկում է Ապրիլյան պատերազմի հանգամանքներն ուսումնասիրող քննիչ հանձնաժողովի զեկույցը
Այսօր առավոտյան նախ քվեարկության դրվեցին եւ ընդունվեցին նախօրեին քննարկված հարցերը, որից հետո...
Ամենաշատ