Եվրամիությունում քննարկում են ամերիկացիների եւ կանադացիների համար վիզաների ներմուծման հարցը, այդ մասին հայտնում է Gazeta-ն:
ԱՄՆ-ում եւ Կանադայում եվրոպական որոշ երկրների համար վիզայի նոր ռեժիմի ներմուծման հարցի առաջիկա քննարկումը ԵՄ-ի հակազդեցությունն է առաջացրել:
ԵՄ-ից աղբյուրներն ասում են, թե այս հարցի վերաբերյալ քաղաքական բանավեճը կարեւոր է: Բայց դա կարող է երկկողմ վիզային ռեժիմի ներմուծման պատճառ դառնալ:
Վաշինգտոնը եւ Օտտավան վիզա են պահանջում Ռումինիայի եւ Բուլղարիայի քաղաքացիներից: Երկու երկիրն էլ Եվրամիության անդամ են դարձել 2007-ին: ԱՄՆ եւ Կանադա ազատ մուտքի ծրագրից չեն կարող օգտվել նաեւ խորվաթները, կիպրոսցիները եւ լեհերը:
Մուտքի նոր կանոնները կարող են բարդացնել Բրյուսելի եւ Վաշինգտոնի միջեւ ազատ առեւտրի վերաբերյալ բանակցությունները: Երկու կողմն էլ կարծում են, որ ավելի հեշտ կլինի համաձայնագիրը կնքել մինչեւ ԱՄՆ-ի նախագահ Բարաք Օբամայի պաշտոնավարության ժամկետի ավարտը: