Hyundai Motor եւ Kia Motors ընկերությունները Հարավային Կորեայում մոտ 29 հազար մեքենա են հետ կանչում կառավարման եւ լուսարձակման համակարգի անսարքության պատճառով։ Այս մասին հայտնել է երկրի պետական տարածքների, ենթակառուցվածքների եւ տրանսպորտի նախարարությունը, փոխանցում է ՏԱՍՍ-ը։
«Անսարքությունները հայտնաբերվել են 2010թ. հունվարի 19-ից հուլիսի 8-ն արտադրված Hyundai YF Sonata մեքենաների եւ 2010թ. մայիսի 3-ից հուլիսի 8-ն արտադրված Kia K5 սեդանների ղեկի կառավարման էլեկտրոնային համակարգի վերահսկիչ բլոկում։ Անձրեւի ժամանակ կարող է կարճ միացում տեղի ունենալ»,- ասված է հայտարարության մեջ։
Բացի այդ, հետկանչի են ենթակա նաեւ 2012թ. մարտի 8-ից 2016թ. հունվարի 12-ը արտադրված Kia K7 դասի մեքենաները։ Այս մոդելների մոտ լուսարձակների կառավարման համակարգի անսարքություններ կան։