ԵԽԽՎ քաղաքական բյուրոյի նիստում այսօր՝ ապրիլի 18-ին, որոշում է կայացվել ԵԽԽՎ օրակարգում չընդգրկել Լեռնային Ղարաբաղի հակամարտության հետ կապված որեւէ հարց: Այդ մասին NEWS.am-ին հայտնեցին ԵԽԽՎ-ում հայկական պատվիրակությունից:
Ավելի վաղ NEWS.am-ը հայտնել էր, որ ԵԽԽՎ քաղաքական բյուրոյի օրակարգում ներառված էր Լեռնային Ղարաբաղին վերաբերող միանգամից երեք հարց: Նախ ապրիլի 7-ին ԵԽԽՎ-ում ֆրանսիական պատվիրակության ղեկավար Ռենե Ռոքեն առաջարկել է «Լեռնային Ղարաբաղի հակամարտության վերջին եւ ողբերգական սրացումը» վերնագրով հրատապ քննարկում անցկացնել ԵԽԽՎ-ում: Այնուհետեւ ադրբեջանական պատվիրակությունն է առաջարկել «Լեռնային Ղարաբաղում եւ Ադրբեջանի մյուս օկուպացված տարածքներում բռնությունների աճը» վերնագրով քննարկում անցկացնել, իսկ հայկական պատվիրակությունը հարցը ներկայացրել է ապրիլի 13-ին «Ադրբեջանի իրականացրած պատերազմական հանցագործությունները Լեռնային Ղարաբաղի հանդեպ իրականցված ագրեսիայի ժամանակ» վերնագրով:
ԵԽԽՎ-ում հայկական պատվիրակության անդամ Նաիրա Զոհրաբյանի խոսքով, այդ երեք ձեւակերպմամբ հարցերը ընթացիկ ձեւաչափով պիտի քննարկվեին, ինչը նշանակում է, որ որեւէ բանաձեւի ընդունում չէր ենթադրվում:
Ադրբեջանը պիտի ճանաչվի ռազմական հանցագործ եւ դուրս մնա Եվրոպայի խորհրդից․ Նաիրա Զոհրաբյան