News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը


Ապրիլի 23-ին՝ Հայոց Ցեղասպանության 101-ամյակի նախօրեին, Համագործակցող հոլանդահայ կազմակերպությունները Ամստերդամի սրտում՝ Museumplein hրապարակից, որտեղ տեղակայված են մի քանի հանրահայտ թանգարաններ, բողոքի երթ կազմակերպեցին դեպի քաղաքի մեկ այլ հայտնի՝ Beursplein հրապարակ: Այստեղ էլ մասնակիցներն այնուհետեւ հանրահավաք  անցկացրեցին, հաղորդում է «Նիդերլանդական օրագիրը»:

Սա ապրիլի մեջ նիդերլանդահայերի նույն քաղաքում արված 2-րդ հանրահավաքն է: Առաջինը՝ Արցախի դեմ Ադրբեջանի սանձազերծած պատերազմի դեմ  բողոքի ակցիան էր Ամստերդամի  «Դամ»  հրապարակում՝ ապրիլի 8-ին:

Գարնան համար անսովոր ցուրտ, նաեւ անձրեւոտ եղանակին, մոտ հազարի հասնող ակտիվիստներ էին ժամանել Նիդերլանդների մայրաքաղաք: Ցուցարարների երթուղին մինչ հանրահավաքի հարթակը, ձգվում էր մի քանի կիլոմետր եւ անցնում էր կենտրոնական փողոցներով, որը հանգստյան օրվան բնորոշ լեցուն էր զբոսաշրջիկներով:

Ակցիայի մասնակիցները, որոնք հայ-հոլանդական եռագույն դրոշներից բացի կրում էին Թուրքիայի ոճրագործությունը դատապարտող ցուցապաստառներ, ցեղասպանության վավերագրեր պատկերող լուսանկարներ, Մեծ Եղեռնի պատմության մասին բրոշյուրներ էին բաժանում անցորդներին:

Պետք է դիտարկել, որ մարդկանց հետաքրքրությունն անչափ  մեծ էր: Ոմանք պարզապես գիտեին հարյուրամյա վաղեմություն ունեցող դեպքերի մասին , մյուսներն հարցուփորձ էին անում' մինչեւ պարզաբանում ստանում էին մասնակիցներից: Շատերն էլ հետաքրքրվում էին երթն ուղեկցող ոստիկաններից, ովքեր իրենց բարձրության վրա էին եւ մարդկանց համբերությամբ բացատրում էին երթի իրական դրդապատճառների մասին:

Հատկապես կարգալուծվեց տրամվայների կանոնավոր աշխատանքը, որոնք ստիպված էին արգելակել իրենց ընթացքը՝ մինչեւ կանցնեին մարդկանց հոծ խմբերը: Այդ ընթացքում էլ ուղեւորները մոտենում էին փոխադրամիջոցի պատուհաններին եւ դիտում ցուցապաստառները, երթի  մասին բրոշյուրներ խնդրում մասնակիցներից: Բազմաթիվ զբոսաշրջիկներ պարզապես լուսանկարչական սարքերն էին նախապատրաստում, երբ լսում էին թմբուկների խրոխտ զարկերը: Գետից անցնող զբոսանավերից մեկն էլ, որպես համերաշխություն երկար ազդանշան հնչեցրեց:

Մինչ երթի մասնակիցները կժամանեին Beursplein Հրապարակ, ամբողջ ժամանակ  հարթակից հնչել է հայկական ազգային երաժշտություն:

Հայոց Ցեղասպանության 101 տարելիցին նվիրված բողոքի ակցիան սկսվում է անմեղ զոհերի հիշատակին հայտարարված լռության րոպեով:

Ցեղասպանությունը, որպես երեւույթի  դատապարտումով են հանդես գալիս Հոլանդահայ կազմակերպությունների ֆեդերացիայի նախագահ Մաթո Հախվերդյանը,Նիդեռլանդների ՀՅԴ Հայ Դատի հանձնախմբի նախագահ՝ Մասիս Աբրահամյանը, քրդական համայնքի անունից  Ջերան Օզհանը,արամեական համայնքի առաջնորդ Ջոնի Շաբոն,«Ապրիլ 24» հանձնախմբի նախագահ Նուբար Սիփանը, ՀՅԴ «Գարեգին Նժդեհ» երիտասարդական կազմակերպության նախագահ Սերինե Աբրահամյանը, «AJO Ամստերդամ» երիտասարդական կազմակերոթյան ղեկավար Գրիգոր Այվազյանը, հոգեշնորհ Տ. Առեն վարդապետ Շահենյանը:

Հուզական եւ անկեղծ ելույթ ունեցավ Նիդերլանդների սոցիալիստական կուսակցության երիտասարդ թեւի ղեկավար Լաուրա Յակը: Նա մատնանշեց, որ իրողությունն ունի 101 տարվա պատմություն  եւ 101 տարի է ինչ անարդարություն է տեղի ունենում ու այսօր հայն իր տարածքում ապահով չի ապրում: «Ես հայ չեմ, բայց սա իմ խնդիրն է նաեւ» ասաց նա:

Գեղարվեստական կատարումներով հանդես եկան երգիչներ Վրեժ Սահակյանը, Մամբրե Սիմոնյանը, Սվետլանա Աղաջանյան,Ամստերդամի հայկական եկեղեցու Անի պարային համույթը:

Ապրիլի 23-ի երթ-հանրահավաք ամփոփում է Համագործակցող հոլանդահայ կազմակերպությունների անդամ Ինգա Դրոստը:

Առհասարակ  այս անգամ միջոցառմանը մեծ հետաքրքրասիրություն հանդես բերեց Նիդերլանդական լրատվամիջոցները՝ ի դեմս հանրային հեռուստատեսության եւ մամուլի մի շարք միջոցների (HET PAROOLAD.nl եւ այլք):

Ապրիլի 24-ին Հոլանդահայ կազմակերպությունների անդամները ծաղկեպսակ կդնեն Հայոց  Ցեղասպանության զոհերի հուշարձաններին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թրամփի խորհրդականներն առաջարկել են նրան ճանաչել Հայոց ցեղասպանությունը. Newsweek
Թրամփը չի օգտագործել Հայոց ցեղասպանության դիվանագիտական լծակը…
Կալիֆոռնիայից կոնգրեսական Թեդ Լիուն CNN-ի ուղիղ եթերում ԱՄՆ-ին կոչ է արել ճանաչել Հայոց ցեղասպանությունը
Մենք պետք է ոչ միայն Թուրքիայի դեմ պատժամիջոցներ սահմանենք, այլ նաեւ եկել է Հայոց ցեղասպանությունը պաշտոնապես ճանաչելու ժամանակը…
Ժամանակն է ձայների ճնշող մեծամասնությամբ ճանաչել Հայոց ցեղասպանությունը․ Բրեդ Շերման
Եկել է ժամանակը վերջ դնելու Թուրքիայի հետ հարաբերություններում մեր անպատվաբեր վիճակին․․․
Тhank you, world. Գյումրիում դպրոցականները ուղերձ են հղել աշխարհին (ֆոտոռեպորտաժ)
«Ավրորա» ֆորումի շրջանակում հանրային միջոցառումների մեկնարկը տրվեց Երախտագիտության ֆլեշմոբով...
Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ
«Այն բանից հետո, երբ այս տարվա ապրիլի 24-ին Թուրքիայի նախագահը փորձեց արդարացնել հայ ժողովրդի նկատմամբ իրականացված ցեղասպանությունն իր պատմական հայրենիքում, այդ թեմայով նրա որեւէ հայտարարություն մեկնաբանության արժանի չէ...
Մոլդովայի խորհրդարանում առաջին անգամ անդրադարձել են Հայոց ցեղասպանության ճանաչման հարցին
Դեսպանների նշանակման մասին լսումների ընթացքում Հայկ Վարդանյանը հարց է ուղղել Թուրքիայիում Մոլդովայի դեսպանի թեկնածուին...