Երեւանում ավտոբուսի պայթյունից տուժած 15-ամյա Էդգար Գասպարյանը պայթյունի պահին ծնողների հետ խոսելիս է եղել:
«10 անց 3 զանգեց մորը, ասեց, որ տուն ա գալիս, նստել է ավտոբուս: Զանգը ընդհատվեց հենց պայթյունի պահին: Հետո 10 անց 7 մեզ զանգեցին, ասեցին` շուտ հասեք հիվանդանոց»,- NEWS.am-ին պատմեց Էդգարի հայրը` Արայիկ Գասպարյանը:
Հիշեցնենք, որ Էդգար Գասպարյանի եւ պայթյունից տուժած նրա ընկերոջ` Ռոլանդ Խոջայանի վիճակը կայունացել է, նրանք նախորդ օրը վիրահատվել էին, ունեն բեկորային վիրավորումներ, վնասվածքներ եւ այրվածքներ։ Նրանք այժմ «Սուրբ Աստվածամայր» ԲԿ-ում են:
Հիշեցնենք, որ թիվ 63 համարի ավտոբուսը պայթել է Երեւանի Հալաբյան փողոցի թիվ 11 շենքի մոտ: Կա երկու զոհ եւ 8 տուժած:
Դեպքի առթիվ հարուցվել է քրեական գործ, նշանակվել են մի շարք փորձաքննություններ:
