Ապրիլի 27-28-ին Իսպանիայի Կարկախենտ, Ալակուասն եւ Էլդան քաղաքները պաշտոնապես ճանաչել եւ դատապարտել են Հայոց ցեղասպանությունը:
Հայաստանի ԱԳՆ-ից NEWS.am-ին հայտնում են, որ Կարկախենտի քաղաքային խորհրդում ներկայացված բոլոր 5 քաղաքական ուժերը միաձայն կողմ են քվեարկել համապատասխան ինստիտուցիոնալ հայտարարության ընդունմանը: Ալակուասի քաղաքային խորհրդում հայտարարության քվեարկության ընթացքում ձեռնպահ են մնացել միայն Ժողովրդական կուսակցության (PP) եւ Ciudadanos-ի պատգամավորները, իսկ Էլդայում միակ դեմ քվեարկած կուսակցությունը Ciudadanos-ն էր:
Նիստերին ներկա էին վերոնշյալ եւ իսպանական այլ քաղաքներից ժամանած հայ համայնքի ներկայացուցիչներ, ովքեր իրենց երախտագիտությանը հայտնեցին քաղաքային խորհուրդներին:
