Ռուս հայտնի մեկնաբան Վլադիմիր Ստոգնիենկոն NEWS.am-ի համար կանխատեսում արեց, թե Չեմպիոնների լիգայի եզրափակիչ որ թիմերը դուրս կգան:

«Ռեալն» ավելի ուժեղ եւ կազմակերպված թիմ է: Այս զույգում կարծում եմ` հենց մադրիդյան թիմը կանցնի հաջորդ փուլ: «Աթլետիկոյին» շատ դժվար է լինելու այսօր: Ամբողջ խաղի ընթացքում նրանց վրա ճնշում է լինելու: Եթե հիմնվենք տրամաբանության վրա, ապա եզրափակիչը կլինի «Ռեալ» – «Բավարիա»:

Շատ դժվար է կանխատեսում անել այս փուլում, բայց, անկեղծ ասած, ես կուզենայի, որ եզրափակիչում հայտնվեն «Սիթին» ու «Աթլետիկոն»: Եվ Դիեգո Սիմեոնեի թիմը դառնա չեմպիոն»,-ասաց նա:

Հիշեցնենք, որ չեմպիոնների լիգայի կիսաեզրափակչի պատասխան խաղերը տեղի կունենան մայիսի 3-ին եւ 4-ին: Առաջին խաղում «Ռեալն» ու «Սիթին» միմյանց գոլեր չէին խփել, իսկ «Աթլետիկոն» հաղթել էր «Բավարիային» նվազագույն հաշվով:

Վերա Մարտիրոսյան