Լեռնային Ղարաբաղի ճանաչումը կդառնա հայ ժողովրդի քաղաքական օրակարգը: Այս մասին մայիսի 5-ին լրագրողներին ասել է «Ժառանգություն» խմբակցության պատգամավոր Զարուհի Փոստանջյանը, որը ՀԱԿ պատգամավոր, նախկին վարչապետ Հրանտ Բագրատյանի հետ ներկայացրել է Լեռնային Ղարաբաղի անկախության ճանաչման մասին օրինագիծը:
«Ճանաչումն այլընտրանք չունի: Մենք կդառնանք քաղաքական գործոն աշխարհում, որի հետ ստիպված կլինեն հաշվի նստել ու որը կկարողանա հանդես գալ այդ թվում ուժի դիրքերից: Դա կկանխի նոր անցանկալի գործընթացները» - շեշտեց նա:
ՀՀ կառավարությունն, այսօր՝ մայիսի 5-ին, իր նիստում հավանություն է տվել Ազգային ժողովի պատգամավորներ Զարուհի Փոստանջյանի եւ Հրանտ Բագրատյանի՝ օրենսդրական նախաձեռնության կարգով ներկայացրած «Արցախի Հանրապետությունը ճանաչելու մասին» ՀՀ օրենքի նախագծի վերաբերյալ կառավարության եզրակացության նախագծին:
