Ադրբեջանի ֆինանսների նախարարությունը չի բացառում Բաքու-Թբիլիսի-Կարս երկաթգծի վրացական հատվածի լրացուցիչ ֆինանսավորման հնարավորությունը, հայտնել է Ադրբեջանի ֆինանսների նախարար Սամիր Շարիֆովը, հաղորդում է ադրբեջանական Trend գործակալությունը:
«Կա նախագիծ եւ այն պետք է հասցնել մինչեւ վերջ: Այդ կապակցությամբ, նախագծի ֆինանսավորման բոլոր անհրաժեշտ որոշումները կայացվել են»,- ասել է Շարիֆովը: Նախարարը, սակայն, չի նշել լրացուցիչ ֆինանսավորման հնարավոր ծավալները:
Ավելի վաղ վրացական հատվածում աշխատանքներ իրականացնելու համար Ադրբեջանը Վրաստանին 200 մլն վարկ էր հատկացրել 25 տարի ժամկետով, տարեկան 1 տոկոս դրույքով; Նախագծի շրջանակներում պետք է կառուցվի երկաթգծի նոր, 105 կմ-անոց հատված, որի 76 կմ-ն անցնում է Թուրքիայի, 29 կմ-ը՝ Վրաստանի տարածքով: Ադրբեջանի տրանսպորտի նախարար Զիյա Մամեդովի խոսքով, շինարարությունը նախատեսվում է ավարտել 2012թ.:
