News
Տեսնել լրահոսը

ՀՀ նախագահ Սերժ Սարգսյանն այսօր՝ մայիսի 6-ին, ընդունել է Սոցինտերնի գլխավոր քարտուղար Լուիս Այալային: Հանդիպմանը ներկա են եղել նաեւ Սոցինտերնի փոխնախագահ Մարիո Նալբանդյանը եւ համաշխարհային այդ կառույցի անդամ Հայ Յեղափոխական Դաշնակցության Բյուրոյի ներկայացուցիչ Արմեն Ռուստամյանը:

Նախագահի մամուլի գրասենյակից NEWS.am-ին հայտնում են, որ ՀՀ նախագահը եւ Սոցինտերնի գլխավոր քարտուղարը ջերմությամբ են հիշել շուրջ մեկ տարի առաջ Երեւանում կայացած իրենց նախորդ հանդիպումը, որի ընթացքում բաց եւ անկեղծ զրույց են ունեցել երկկողմ հետաքրքրություն ներկայացնող մի շարք թեմաների շուրջ:

Հանրապետության նախագահը բարձր է գնահատել Սոցինտերնի գործունեությունը, որն աշխարհով մեկ միավորում է սոցիալիստական եւ սոցիալ-դեմոկրատական գաղափարներ դավանող քաղաքական ուժերին եւ որի հռչակած արժեքներն ու քաղաքական նպատակները՝ ազատություն, արդարություն, համերաշխություն, Սերժ Սարգսյանի խոսքով, շատ արդիական են, եւ ցավոք, դրանց պակասն այսօր աշխարհում զգացվում է:

Լուիս Այալան իր գլխավորած կազմակերպության կողմից մտահոգություն է հայտնել ս.թ. ապրիլի սկզբին ԼՂ հակամարտության շփման գծում հրադադարի խախտման հետեւանքով առաջացած իրավիճակի կապակցությամբ: Սոցինտերնի գլխավոր քարտուղարը ՀՀ նախագահից հետաքրքրվել է իրավիճակի լարվածության աճի կապակցությամբ նրա տեսակետներով եւ Սոցինտերնի կողմից պատրաստակամություն հայտնել կազմակերպության հնարավորությունների շրջանակում նպաստելու երկխոսության, շփումների միջոցով հիմնախնդրի խաղաղ ճանապարհով լուծմանը: Լուիս Այալան ներկայացրել է այդ նպատակին միտված իրենց առաջիկա ծրագրերը՝ համակարծիք լինելով ՀՀ նախագահի հետ, որ որքան բաց ու անկեղծ լինեն հանդիպումներն ու քննարկումները եւ հստակ՝ արտահայտվող դիրքորոշումները, այնքան օգտակար կլինեն գործին:

Սոցինտերնի գլխավոր քարտուղարը գոհունակությամբ է խոսել կազմակերպության անդամ ՀՅԴ-ի միջոցով Հայաստանի հետ համագործակցության մասին, որը, նրա խոսքով, տարեցտարի ամրապնդվում է:

Հանդիպմանը Նախագահ Սերժ Սարգսյանը կարեւորել է Հայաստանի համար կարեւորագույն հարցերում միջազգային տարբեր հարթակներում եւ կառույցի անդամ կուսակցությունների երկրներում Սոցինտերնի շարունակական կառուցողական դիրքորոշումը:

Զրուցակիցներն անդրադարձել են նաեւ տարածաշրջանի իրավիճակին, Հայաստան-Թուրքիա հարաբերություններին, Հայոց ցեղասպանության միջազգային ճանաչման գործընթացին:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Այս գիշեր Ադրբեջանի զինուժն արձակել է շուրջ 370 կրակոց. Արցախի ՊԲ (ֆոտո)
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն…
Արցախցի դիպուկահարները մի քանի անգամ ավելի լավ են նախապատրաստված, քան ադրբեջանցիները. Լեւոն Մնացականյան
Ապրիլյան իրադարձություններից հետո առաջնագծում արագացել են ինժեներական աշխատանքների ու սպառազինությամբ համալրվելու տեմպերը...
Արցախի պաշտպանության բանակի հրամանատար. Հակառակորդին չի հաջողվել չեզոքացնել մեր տեսախցիկներից ոչ մեկը
Հնարավոր է՝ նրանք ուսումնական թռիչքներ են իրականացրել, բայց այդ միջադեպից հետո ոչ մի անօդաչու սարք չի խախտել մեր օդային տարածքը...
Այս գիշեր Ադրբեջանի զինուժն արձակել է ավելի քան 400 կրակոց. Արցախի ՊԲ (ֆոտո)
ՊԲ առաջապահ զորամասերը շարունակում են վստահորեն իրականացնել մարտական հերթապահություն...
Մի հավատացեք, երբ ասում են՝ գիտեինք, որ ապրիլին պետք է հարձակվեին. Սեյրան Օհանյանը՝ զինվորի մորը
Երբ զինվորը տեսնում է, որ իր վրա հաձակվում են, ոչ ոք չի կարող ստիպել, որ ավտոմատը չհանի ու չկրակի...
Լեռնային Ղարաբաղի օմբուդսմենը հանդիպել է Ռոդ Այլենդ նահանգի պաշտոնատար անձանց հետ
Հանդիպումների հիմնական նպատակը Ադրբեջանի իրականացրած վայրագությունների վերաբերյալ Մելիքյանի կազմած զեկույցի ներկայացումն է…
Ամենաշատ
Partner news