News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

36-ամյա Սուրեն Մելքումյանը Պաշտպանության բանակում ծառայում էր 19 տարի: Որոշել էր՝ ծառայությունն ավարտելուց հետո վրան է խփելու անտառում, գյուղատնտեսությամբ է զբաղվելու:

«Անտառ շատ էր սիրում, ամեն շաբաթ կեսօրից հետո գնում էինք գյուղ, Սուրենը գնում էր անտառ, հաջորդ օրը գալիս գյուղ ու միասին վերադառնում էինք Հադրութ: Ձիեր էր շատ սիրում, որսորդություն»,- պատմում է Սուրենի կինը` Արեւիկը:

Սուրենը ընկերասեր էր, հյուրասեր, սիրում էր վայելել կյանքը, ապրել այսօրվա օրով՝ հիշում է Արեւիկը: «36 տարեկանում հասցրել էր անել այն, ինչ մյուսները 60 տարում չեն անում»: Այսօր էլ Արեւիկը շարունակում է ամուսնու ավանդույթները. տուն մտած բոլոր հյուրերին հյուրասիրելուց հետո է միայն թույլ տալիս հեռանալ, պարտադիր հյուրասիրում է Սուրենի սիրած սպասքով:

Սուրեն Մելքումյանն իր չորս որդիներին դաստիարակում էր զինվորականի խստությամբ, սիրում՝ հոր քնքշությամբ: Որդիները պետք է նշանակված ժամին արդեն քնած լինեին, տղամարդ էին դառնալու հոր օրինակով: Ասում էր՝ դիրքեր եմ բարձրանում, որ երեխաներս ինձանով հպարտանան:

Մեծ որդին` Գրիգորին, սովորում է 8-րդ դասարանում: Դուդուկահար Գրիգորին հոր մահվանից հետո դուդուկին մոտ չի գնում: Փոքր որդին`Հրայրը, չորս տարեկան է: «Հրայրի ծնվելուց Սուրոն Հադրութում էր, ծաղիկներով եկել էր մեզ հիվանդանոցի բակում դիմավորելու: Երեւի տարիքից էր, փոքրին այլ կերպ էր վերաբերում»,- ասում  է Արեւիկը ու հիշում՝ Սուրենն իր ընտանիքը շատ էր սիրում: 

Սուրենենց տան ամեն ինչից բացառիկ սիրով ընտանիքի հոտ է գալիս, դպրոցական առաջին սիրով ստեղծված ամուր  ու ջերմ ընտանիքի:

Սուրենն ու Արեւիկը միասին մանկապարտեզ են հաճախել, հետո դպրոց: Տասներորդ դասարանի ավարտական երեկոյի ժամանակ Սուրենն Արեւիկին ասել է, որ զինվորական է դառնալու, Վազգեն Սարգսյանի անվան ռազմական ինստիտուտն ավարտելուց հետո ամուսնացել է, Արեւիկի հետ ապրել նախ Մարտակերտում, ապա Հադրութում:

Թե ինչ պայմաններում է զոհվել ամուսինը, Արեւիկը մինչեւ այսօր չգիտի. Սուրենը չորս ընկերների հետ օգնության է գնացել. հինգն էլ զոհվել են: Սուրենի հեռախոսահամարին մի քանի օր ադրբեջանցիներն են պատասխանել, այդ ընթացքում Արեւիկը հույս ուներ, որ ամուսինը թաքնվել է անտառում, որն այնքան սիրում էր ու լավ ճանաչում: Օրեր անց Սուրենի եւ ընկերների մարմիններն ադրբեջանական կողմը հանձնել է հայերին: Հադրութցի մայորին հուղարկավորել են փակ դագաղով հայրենի Տումի գյուղում:

Երիտասարդ տարիքում այրիացած կինը պատկերացնում է՝ ինչ դժվարություններով է մեծացնելու իր չորս տղաներին տան միակ կերակրողին կորցնելուց հետո: Բայց հիմա դրա վրա չի սեւեռվում, դեռ սովորում է ապրել առանց իր Սուրոյի:

Լուսանկարները՝  Արսեն  Սարգսյանի/NEWS.am

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լույս է տեսել «Բանակի տղան» գիրքը` նվիրված Արցախի հերոս Կապիտան Արմենակ Ուրֆանյանի հիշատակին
Այն լույս է տեսել հենց Արցախի օրվա հռչակման կապակցությամբ, երբ ԱՀ նախագահ Արայիկ Հարությունյանի հրամանագրով Արմենակ Ուրֆանյանն արժանացավ...
Հայ դիրքապահների ուղղությամբ արձակվել է ավելի քան 3000 կրակոց․ ԱՀ ՊՆ
ՊԲ առաջապահ զորամասերը շարունակում են լիակատար վերահսկողություն պահպանել առաջնագծում․․․
Անօդաչու թռչող սարքը խոցվել էր ապրիլի 8-ին. Դավիթ Բաբայանը՝ Սերժ Սարգսյանի հայտարարության մասին. armlur.am
ՀՀ երրորդ նախագահ Սերժ Սարգսյանն այսօր կայացած մամուլի ասուլիսի ժամանակ…
Արցախի ուղղությամբ Ադրբեջանից արձակված կրակոցների թիվն աճում է. Տիգրան Աբրահամյան
Նշեմ, որ այս տարեսկզբից, կրակոցների շաբաթական միջինացված թիվը 1300-ի կարգի է լինելում…
Վիճակս նույնն է, ինչ մինչեւ Գերմանիա գնալը․ Քառօրյայի մասնակից Հայկի բուժումը կիսատ է մնացել
Հայկի վիճակը վատացել է, որովհետեւ Գերմանիայի բուժումն ընդհատվել է վճռորոշ փուլում…
Հակառակորդը հրադադարի պահպանման ռեժիմը խախտել է ավելի քան 300 անգամ
ՊԲ-ի առաջապահ ստորաբաժանումները տիրապետում են օպերատիվ-մարտավարարական իրադրությանը և շարունակում վստահորեն...