Չարենցավանում մայիսի 6-ին 58-ամյա տղամարդ է սպանվել: Ինչպես հաորդում է ՀՀ քննչակամն կոմիտեն, ժամը 09.30-ին Չարենցավանի բժշկական կենտրոնից ահազանգ է ստացվել այն մասին, որ քաղաքի 5-րդ թաղամասի բնակելի շենքերից մեկի 3-րդ հարկում ընկած տղամարդ կա։
Դեպքի վայրում՝ բնակելի շենքի երրորդ հարկի աստիճանահարթակում, մեջքի վրա ընկած հայտնաբերվել է 58-ամյա Սամվել Հարությունյանի դիակը՝ բռնության հետքերով։
Դեպքի առթիվ ՀՀ քննչական կոմիտեի Կոտայքի մարզային քննչական վարչության Չարենցավանի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով: Որոշում է կայացվել՝ Սամվել Հարությունյանին տուժող ճանաչելու մասին, նշանակվել է դիակի դատաբժշկական փորձաքննություն:
Ձեռնարկված քննչական անհետաձգելի գործողությունների արդյունքում պարզվել են տղամարդու սպանության հանգամանքները, շարժառիթը։
Նախնական տվյալներով՝ մայիսի 6-ին՝ ժամը 18.00-ի սահմանում, Սամվել Հարությունյանն այցելել է նշված շենքում բնակվող իր ծանոթին, որտեղ վերջինիս եւ նրան հյուր եկած Ա.Խաչատրյանի հետ օգտագործել են ոգելից խմիչք: Կենցաղային հարցերի շուրջ առաջացել է վիճաբանություն, որի ընթացքում Ա.Խաչատրյանը ձեռքերով եւ ոտքերով հարվածել է Սամվել Հարությունյանին: Ժամը 23.00-ի սահմանում Սամվել Հարությունյանին դուրս է հանել բնակարանից եւ թողել չորրորդ հարկի աստիճանահարթակում։ Ժամը 08.00-ի սահմանում տանտերը եւ հյուրընկալված Ա.Խաչատրյանը հեռացել են, որի ընթացքում երրորդ հարկի աստիճանահարթակում նկատել են Սամվել Հարությունյանին՝ գետնին անշարժ պառկած ու հեռացել:
Ա.Խաչատրյանը ձերբակալվել է, հայտնաբերվել եւ հարցաքննվել է նաեւ տանտերը։
Նախաքննությունը շարունակվում է: