Հայաստանի Ազգային ժողովն այսօր՝ մայիսի 11-ին, իր արտահերթ նիստում ընդունել է «Հրազդան ցեմենտ»-ին տույժ-տուգանքներից ազատելու եւ ՎՏԲ-ին կառավարման հանձնելու մասին նախագիծը՝ 86 կողմ, 8 դեմ, 9 ձեռնպահ ձայներով:
NEWS.am-ի թղթակիցը հաղորդում է ԱԺ-ն ընդունել է նաեւ «Կուտակային կենսաթոշակների մասին» օրենքում փոփոխություններ կատարելու մասին օրինագիծը՝ 104 կողմ, 0 դեմ, 4 ձեռնպահ ձայներով:
Հիշեցնենք, որ ապրիլին օրինագիծն ընդունվել է առաջին երկու ընթերցումներով, բայց 3-րդ ընթերցման ժամանակ ընդդիմությանը հաջողվել է ձախողել քվեարկությունը: Օրինագիծն առաջարկում է գործարանի 935 մլն դրամի ընդհանուր հարկային պարտքերից դուրս գրել 510.1 մլն դրամի չափով տուգանքը:
Գործարանն այդ պարտքերը կուտակել էր նախկին սեփականատեր, ձեռներեց Միխայիլ Բաղդասարովի օրոք: Գործարանի ունեցվածքն ու բաժնետոմսերը գրավ են դրված «ՎՏԲ Արմենիա» բանկում, իսկ ձեռնարկության նկատմամբ սկսվել է սնանկ ճանաչելու գործընթաց:
Հաշվի առնելով Հայաստանի տնտեսության ու արդյունաբերության համար կարեւորությոնը, նաեւԿոտայքի մարզի համար սոցիալական կարեւորությունը՝ (գործարանը ապահովում է 470 աշխատատեղ), մեկ տարի առաջ վարչապետի ղեկավարությամբ աշխատանքային խումբ էր ստեղծվել: Կառավարությունն առաջարկում է գործարանին ազատել պարտքերի ծանրաբեռնվածության մի մասից, որպեսզի վերջինը կարողանա ավելացնել արտադրությունը ու լրացուցիչ աշխատատեղեր ստեղծել:
Մինչդեռ ընդդիմադիր պատգամավորները պնդում են, որ Բաղդաասարովին պետք է պատասխանատվության կանչել: