Հայաստանի կառավարությունն ամեն շաբաթ հանրության հետ կքննարկի սոցիալ-տնտեսական կյանքի զարգացումը: Այդ մասին Հայաստանի կառավարության մայիսի 12-ի նիստին հայտնել է վարչապետ Հովիկ Աբրահամյանը: Քննարկումները կսկսվեն մայիսի 14-ից, դրանց կմասնակցեն պատգամավորներ եւ քաղաքացիական հանրության ներկայացուցիչներ:
«Գործը քննարկումներով չի սահմանափակվի: Այն որոշումները, որոնց մենք կհանգենք, պիտի կյանքի կոչվեն կոնկրետ գործողությունների, կառավարության որոշումների եւ օրինագծերի տեսքով», - ասել է վարչապետը: Նա ցանկացողներին կոչ է արել իրենց դրույթներն ուղարկել կառավարության աշխատակազմի ղեկավար, նախարար Դավիթ Հարությունյանին, որի էլեկտրոնային հասցեն հրապարակվել է կառավարության կայքում: