Հրապարակվել են նոր մանրամասներ հաջորդ սերնդի Chevrolet Corvette մարզական մեքենայի մասին: Մեքենայի պաշտոնական պրեմիերան նախատեսված է 2018-ի սկզբին՝ Դեթրոյթի ավտոսալոնի շրջանակում: Ապագա սպորտքարի գլխավոր նորությունն է լինելու նոր միջինշարժիչային տարբերակը: Ըստ շրջանառվող լուրերի նվազագույն գինը աճելու է մինչեւ 80 հազար դոլար:
Ենթադրվում է, որ որպես ուժային ագրեգատ օգտագործվելու է ավանդական 8 ցիլինդրանոց եւ 450-500 ձիաուժ հզորությամբ շարժիչը: Բայց շարժիչը գտնվելու է ոչ թե իր ավանդական տեղում, այլ նստարանների հետեւում:
Բացի դրանից նոր «Քորվեթ»-ը կունենա նաեւ ավելի հզոր 32 փականանի շարժիչ՝ 8 ցիլինդրի համար: Այդ դեպքում նվազագույն արժեքը կաճի մինչեւ 100 հազար դոլար: