Հայաստանի եւ Ադրբեջանի նախագահները վերահաստատել են իրենց հավատարմությունը հադադարի ռեժիմին եւ ղարաբաղյան հակամարտության խաղաղ կարգավորմանը։ Այդ մասին ասվում է համատեղ հայտարարության մեջ, որը տարածել են ՌԴ ԱԳ նախարար Սերգեյ Լավրովը, ԱՄՆ պետքարտուղար Ջոն Քերին եւ Ֆրանսիայի Եվրոպական հարցերով նախարար Արլեմ Դեզիրը Վիեննայում կայացած հանդիպման արդյունքներով։
Մասնակիցները հաստատել են, որ չի կարող լինել հակամարտության ռազմական լուծում։ Համանախագահները պնդել են 1994 եւ 1995թթ. Հրադադարի համաձայնագրերի պահպանման կարեւորությունը։
Իրենց հերթին նախագահները վերահաստատել են իրենց հավատարմությունը հադադարի ռեժիմին եւ ղարաբաղյան հակամարտության խաղաղ կարգավորմանը։ Հետագա բռնությունների ռիսկը նվազեցնելու համար անհրաժեշտ է շուտափույթ ավարտել ԵԱՀԿ հետաքննությունների մեխանիզմների ներդրման աշխատանքները։ Նախագահները նաեւ պայմանավորվել են ԵԱՀԿ գործող նախագահի անձնական ներկայացուցչի գործող գրասենյակի ընդլայնման շուրջ։ ԵՒ վերջապես, նրանք պայմանավորվել են շարունակել ահետ կորածների մասին տվյալները փոխանակումը Կարմիր Խաչի միջազգային կոմիտեի հովանու ներքո։ Այդ հարցին իրենց հավատարմությունը նախագահները հայտնել էին դեռ Փարիզում, 2014թ. հոկտեմբերին։
Նախագահները պայմանավորվել են համընդգրկուն կարգավորման բանակցությունների վերականգնման բանակցությունների հաջորդ փուլի շուրջ, որը պետք է կայանա հունիսին, երկուստեք համաձայնեցված վայրում։