ԵԽԽՎ միջազգային հեղինակավոր կազմակերպության ղեկավարը, որն առաջ էլ էր հայտնի ղարաբաղյան հակամարտության վերաբերյալ իր ոչ անկողմնակալ դիրքորոշումով, հերթական ադրբեջանամետ հայտարարությունն է արել:
«Ազերի փրես» գործակալությունը հայտնում է, որ Սանկտ Պետերբուրգում կայացել է Ադրբեջանի Միլի Մեջլիսի նախագահ Օգտայ Ասադովի ու ԵԽԽՎ նախագահ Պեդրո Ագրամունտի հանդիպումը:
Բացի ամենայնից՝ Պեդրո Ագրամունտը ասել է. «ԵԽԽՎ-ի ու անձամբ իմ դիրքորոշումն այն է, որ հայ- ադրբեջանական ու առասարակ բոլոր հակամարտությունները պետք է կարգավորվեն տարածքային ամբողջականության շրջանակում: Այս դիրքորոշման համար ես հայկական կողմի ու նույնիսկ որոշ խորհրդարանականների կոշտ քննդատություններին եմ արժանացել, որոնք իմ մասին բավականին կոպիտ են արտահայտվել: Սակայն դա ինձ համար ոչ մի նշանակություն չունի: Չէ՞ որ ես վստահ եմ որ իմ դիրքորոշումն արդարացի է: Ինձ համար հիմնական հարցը հակամարտության շուտափույթ կարգավորումն է, ու ես դրա համար կգործադրեմ բոլոր ջանքերը»: