Ռուսական կողմը պատրաստ է հայ արտադրողների ապրանքներն առաջ մղել երկրի շրջաններում: Այդ մասին Մոսկվայում հետ լրագրողների հետ զրույցի ընթացքում հայտնել է Ռուսաստանի Դաշնության Տնտեսական զարգացման առաջին փոխնախարար Ալեքսեյ Լիխաչովը:
Նրա խոսքով, պատրաստակամություն կա հայ արտադրողին առաջ մղելու ՌԴ-ի այն շրջաններում, որոնք առավել գրավիչ են հայկական կողմի համար: «Իհարկե, տրանսպորտային դժվարություններ կան, սակայն հարցը լուծում ենք», - նշել է նա:
Լիխաչովը նաեւ ընդգծել է, որ ռուսական կողմի համար շատ կարեւոր է Հայաստանի անդամակցությունը ԱՀԿ-ին, որովհետեւ դա Ռուսաստանին հնարավորություն է տալիս իր ապրանքներն առաջ մղել Իրանում եւ երրորդ երկրներում: