Եգիպտոսի զինված ուժերը հրապարակել են EgyptAir ավիաընկերության A320 ջախջախված ինքնաթիռի բեկորներով տեսանյութը: Կադրերում երեւում են փրկարարական ժիլետներ, ինքնաթիռի երեսվածքի բեկորներ, ինչպես նաեւ հագուստ:
Հիշեցնենք, ուղեւորատար А320-ը, որը Փարիզից Կահիրե էր թռչում, ռադարներից կորել էր մայիսի 19-ի վաղ առավոտյան: Հետագայում ինքնաթիռի բեկորները, ինչպես նաեւ ուղեւորների մարմինների կտորներ հայտնաբերվել էին Միջերկրական ծովում:
Ընդհանուր առմամբ, EgyptAir ավիաընկերության ինքնաթիռում 66 մարդ է եղել: Նախնական տվյալների համաձայն, նրանք բոլորը զոհվել են:
