Շիրակի մարզի Սառնաղբյուր գյուղում մայիսի 24-ին վաղ առավոտյան ինքնասպանության դեպք է գրանցվել․ 60-ամյա Վրեժ Շաբոյանի դին հայտնաբերել են որդիները տանը կից ավտոտնակում։
Ինչպես հայտնում է «Ցայգ հեռուստաընկերությունը», Շաբոյանն ինքնասպանություն է գործել իրեն պատկանող հրացանից։
Հարազատների խոսքով՝ Վրեժ Շաբոյանն այդ քայլին դիմել է, քանի որ ամիսներ առաջ նրան մեղադրանք է առաջադրվել ավազակային հարձակում գործելու համար, մինչդեռ նա այդ ամենի հետ որեւէ առնչություն չունի։
«Էնքան են դավադիտ արել, որ չդիմացավ, մենք ոչ մի բան կարիք չունենք, ավազակային հարձակման հոդված են դրել վրեն, թե իբր եզդիներից փորձել է 4 գառ գողանալ»,- պատմել է մահացածի որդին՝ Ֆոլիկ Շաբոյանը։
Որդու խոսքով՝ իրականում հոտի հետ պտտվող շների վրա է հայրը կրակել, քանի որ հարձակվել են նրա վրա, սակայն իրավապահներն ամեն ինչ շրջել են իր հոր վրա։
Մանրամասները՝ սկզբնաղբյուր կայքում։