Վրացի փախստականները վրդովմունք են հայտնել Հայաստանի դիրքորոշման կապակցությամբ, որ չի պաշտպանել ՄԱԿ-ում վրացական կողմի ներկայացրած բանաձեւը՝ փախստականների իրենց տներ վերադառնալու իրավունքի վերաբերյալ: Այդ մասին, ինչպես գրում է վրացական «Ախալի Թաոբա» թերթը, հայտարարել է անկուսակցականների շարժման առաջնորդ Մամուկա Գվաձաբիան:
Փախստականների մի մասը դիմել է անկուսակցականների շարժման առաջնորդ Մամուկա Գվաձաբիային եւ համապատասխան միջոցներ ձեռնարկել: Մասնավորապես փակել «Վերին Լարս» անցակետը, որով Ռուսաստանից բեռներ են տեղափոխվում Հայաստան:
Ըստ Գվաձաբիայի՝ տվյալ հարցը հանված չէ օրակարգից, եւ ինքը մտադիր է այդ կապակցությամբ խորհրդակցություններ կազմակերպել քաղաքական ուժերի եւ երկրի ղեկավարության հետ: