Երեւանում քիչ առաջ շատ ուժեղ կարկուտ է տեղացել, որ հատիկները լորի ձվի չափ էին: Կարկուտը տեւեց շուրջ 5 րոպե: Այն հարվածում էր ապակիներին, մեքենաներին եւ մեծ աղմուկ էր բարձրացել: Մի քանի վայրկյանում քաղաքի փողոցները դատարկվեցին:
Այս պահին դեռ կարկուտը շարունակվում է Երեւանի որոշ հատվածներում:
Հատկանշական է, որ կարկուտի ողջ ընթացքում արեւոտ եղանակ էր, սակայն կարկուտից քիչ անց հորդառատ անձրեւ է սկսվել:
Նշենք, որ կարկտի հավանականությունը պահպանվելու է մինչեւ հունիսի 10-ը։ մասնավորապես, ԱԻՆ հիդրոմետ ծառայությունից հայտնում են, որ հունիսի 5-9-ը շրջանների Հայաստանի շրջանների մեծ մասում կեսօրից հետո եւ գիշերվա առաջին կեսին սպասվում է անձրեւ եւ ամպրոպ, առանձին հատվածներում հնարավոր է կարկուտ: Քամին՝ հարավ-արեւմտյան 2-7 մ/վրկ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վրկ: Օդի ջերմաստիճանը 5-7-ը էապես չի փոխվի, 8-ին կնվազի 3-4 աստիճանով:
Երեւանում հունիսի 5-9-ը, երեկոյան ժամերին, առանձին հատվածներում կա կարճատեւ անձրեւի եւ ամպրոպի հավանականություն, ամպրոպի ժամանակ հնարավոր է քամու ուժգնացում‵ 15-20 մ/վրկ արագությամբ:
