Մինչ հունիսի 11-ին Փարիզն ու Սեն Դենին հանգստանում են, Ֆրանսիայի երեք այլ քաղաքներ՝ Մարսելը, Բորդոն ու Լանսը, պատրաստվում են ընդունել առաջին խաղերը:
Եվրո 2016-ի բացման խաղից՝ Ֆրանսիա-Ռումինիա հանդիպումից ավելի սպասված է Անգլիա-Ռուսաստան խաղը, որը տեղի կունենա Ֆրանսիայի՝ մեծությամբ երկրորդ քաղաք Մարսելի «Վելոդրոմ» մարզադաշտում: Բացի այն, որ Անգլիան նույնպես ֆավորիտների ցանկում է, այն կրկին ուշադրության կենտրոնում է, քանի որ անհնար է պատկերացնել անգլիացի երկրպագուներին առանց անկարգությունների:
Մարսելի ոստիկանությունը երկու օր շարունակ շուրջօրյա հսկողություն է սահմանել քաղաքում: Մարսելի կենտրոնական հատվածներից մեկում՝ հին նավահանգստում, երեկվանից արդեն անկարգություններ են սկսվել: Հետաքրքիրն այն է, որ անգլիացիները որպես թիրախ ընտրել են ոչ թե ռուսներին, այլ Մարսելի Օլիմպիկի ուլտրասներին:
Ծովից ծով ինտերնետ ռոմինգում Ucom-ի հետ Մինչև սեպտեմբերի 15-ն օգտվեք շարժական ինտերնետից 39 դրամ/ՄԲ և մուտքային զանգերից 150 դրամ/րոպե սակագներով նշված ծովափնյա երկրներում: Ամբողջական ցանկը` այստեղ |
Նշենք, որ Եվրո 2016-ի լուսաբանման գլխավոր հովանավորն է UCOM ընկերությունը:
Նախնական տվյալներով, այս պահին Ֆրանսիայում հարյուր հազար անգլիացի երկրպագուներ կան: Մարզադաշտից բացի՝ նրանք այն կլցնեն Մարսելի ֆան-գոտին: Ֆրանսիայի կրիմինալ մայրաքաղաքի համբավ ունեցող Մարսելը թեթեւորեն շունչ կքաշի, երբ անգլիացիները լքեն քաղաքը:
Իսկ ռուսներն այսօրվա խաղում կորուստներ ունեն՝ Ձագոեւը, Դենիսովն ու Գլուշակովը չեն խաղալու:
Այս խաղի կանխատեսումն այսպիսին է. Անգլիան կհաղթի՝ խփելով առնվազն երկու գոլ:
Այսօրվա մյուս խաղը Լանսում է: Առաջնության նորեկ Ալբանիան, որը Եվրո 2016 դուրս եկավ՝ վերջին տուրում հաղթելով Հայաստանի ազգային հավաքականին, ուժերը կփորձի Շվեյցարիայի հավաքականի հետ խաղում: Շվեյցարիան նախորդ աշխարհի առաջնությանը բավական լավ արդյունք ցույց տվեց՝ հասնելով մինչեւ 1/8 եզրափակիչ:
Մասնագետների կարծիքով՝ այսօր Շվեյցարիան կհաղթի: Բայց ալբանացիները ցույց են տվել, որ համակարգված ու համարձակ, երբեմն նաեւ կոպիտ խաղով կարողանում են արդյունք ապահովել: Շվեյցարիայում, ինչպես նաեւ մեծ թվով ալբանացիներ են բնակվում: Այդ պատճառով այսօրվա խաղն ինչ-որ առումով հարազատ է լինելու ամբողջ Շվեյցարիայի համար: Ի դեպ, Եվրոպայի առաջնության պատմության մեջ առաջին անգամ միմյանց դեմ երկու եղբայրներ կմրցեն. Լոնդոնի «Արսենալ»-ի ֆուտբոլիստ Գրանիտ Ջական խաղում է Շվերիցարիայի կազմում, նրա եղբայր Թաուլանթը՝ Ալբանիայի:
Այս խաղի կանխատեսումը՝ Ալբանիան չի պարտվի:
Օրվա երրորդ հետաքրքիր խաղը Բորդոյում է: Խաղալու են առաջնության երկու նորեկները՝ Ուելսը եւ Սլովակիան: Թերեւս, այս հավաքականների մասնագետներ քիչ կան, քանի որ նրանց խաղին բոլորը ծանոթ են միայն խմբային փուլով: Տարիներ առաջ հայերը յոթ գնդակ ուղարկեցին սլովակների դարպասը՝ նրանց դուրս թողնելով Եվրո 2012-ից: Բայց նրանք արդեն մասնակցում են Եվրո 2016-ին, այն էլ՝ լավ թիմով: Առաջնությունից առաջ սլովակները բավական լավ խաղ ցուցադրեցին ընկերական հանդիպումներում:
Ուելսի հավաքականի մասին էլ կարելի է երկու բառ ասել՝ Գարեթ Բեյլ: Բացի այդ, նրանք ոչ մի գնդակ բաց չեն թողել ընտրական փուլում ահեղ բելգիացիների հետ խաղում:
Այս խաղի կանխատեսումը՝ երկու թիմերն էլ գոլերի հեղինակ կդառնան:
Հիշեցնենք, որ Եվրո 2016-ի խմբային փուլի Ալբանիա-Շվեյցարիա հանդիպումը սկսկվի Երեւանի ժամանակով 17:00-ին, Ուելս-Սլովակիա խաղը՝ ժամը 20:00-ին, Անգլիա-Ռուսաստան հանդիպումը՝ ժամը 23:00-ին:
Նշենք, որ Եվրո 2016-ի լուսաբանման գլխավոր հովանավորն է UCOM ընկերությունը:
Վերա Մարտիրոսյան