Հարկային օրենսգրքից ոչ մի օգուտ չի լինի, եթե իշխանությունը նախկինի պես շարունակի վախենալ օլիգարխներից եւ ոլորի փոքր բիզնեսի ձեռքերը։ Այս մասին հունիսի 14-ին՝ ԱԺ–ում Հարկային օրենսգրքի նախագծի քննարկման ժամանակ, ասել է ՀԱԿ խմբակցության ղեկավար Լեւոն Զուրաբյանը։
Նրա խոսքով՝ իրավիճակը վառ նկարագրում է ՀՆԱ–ի նկատմամբ հարկերի հարաբերակցությունը։ 2012-ին այն 20.6 տոկոս էր, 2013-ին բարձրացել էր 22 տոկոս, բայց միայն այն պատճառով, որ նախկին սոցվճարները միացրել էին եկամտային հարկին՝ ստանալով եկամտահարկ։ Դրանից հետո հարաբերակցությունը նորից նվազել էր 20.7 տոկոս։ Իսկ դա նշանակում է, որ տնտեսության մեջ հայտնվում է «ստվեր», իսկ դրա համար վճարում է փոքր եւ միջին բիզնեսը, ասել է Զուրաբյանը։