Վարչապետ Հովիկ Աբրահամյանը համաձայն չէ այն կարծիքի հետ, որ տարբեր կառույցներում կրճատվում են այն մեքենաները, որ պիտանի չեն:
«Կան դրանց մեջ նման մեքենաներ, բայց շատ չնչին տոկոս են կազմում, նույնիսկ 5 տոկոսը չեն կազմում: Համոզված եմ, որ այն գործընթացը, որ մենք սկսել ենք, հիմնավորված է, արդար է, ազնիվ է»,- այսօր՝ հունիսի 14-ին լրագրողների հետ զրույցում ասաց Գյումրի այցելած Հովիկ Աբրահամյանը՝ նշելով, որ մեքենաները օտարելու են պետական գույքի կառավարման վարչության միջոցով մրցույթ հայտարարելով:
Վարչապետը նշեց, որ նախարարություններում շարունակելու են հաստիքների կրճատումը:
«Անարդար մոտեցում չի լինելու, կրճատելու ենք այն մարդկանց, որ մեծ արդյունավետություն չեն ցուցաբերում մեր արդյունքների վրա: Մարդիկ, որոնք որակի առումով տալու արդյունք չունեն նույնպես, մենք փորձելու ենք այդ հաստիքները կրճատել»,- ասաց Հովիկ Աբրահամյանը՝ նշելով, որ բոլոր լավ մասագետներն, անպայման, կունանան այլ աշխատանք:
