Ազգային ժողովում մեկնարկել է 4+4+4 ձեւաչափով քննարկումը, որին մասնակցում են իշխանության, ընդդիմության եւ քաղհասարակության ներկայացուցիչներ: Իշխանությունը ներկայացրել է մի փաստաթուղթ, ըստ որի քննարկումների արդյունքում ընդունվել են ընդդիմության 5 առաջարկներից 4-ը, բացի ռեյտինգային ընտրակարգի վերաբերյալ առաջարկից:
«Իշխանությունը ներկայացրել է մի նախագիծ, որը մեր կարծիքով պարունակում է լուրջ քայլեր, քայլեր ընդառաջ հասարակությանը, ընդդիմության, ինչը թույլ է տալիս վերսկսել 4+4+4 ձեւաչափի քննարկումները»,-հայտարարեց ՀԱԿ խմբակցության պատգամավոր Լեւոն Զուրաբյանը:
«Այն առաջարկը, որ հիմա բոլորը ունեն դա իշխանությունների կողմից պատրաստված առաջարկ է, որը բնականաբար հիմնված է այս կոնսուլտացիների հիման վրա: Այն հիմա պետք է քննարկենք եւ գանք միասնական դիրքորոշմանը»,- ասաց Զուրաբյանը: